၆.၇.၂၀၂၄ ရက်နေ့နှင့် ၇.၇.၂၀၂၄ ရက်နေ့တို့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ မော်လမြိုင်မြို့၊ အခွန်လွတ်ဈေး၌ သက်သာသောဈေးနှုန်းဖြင့် ဆန်နှင့်ဆီများ ရောင်းချမှုအား ကြီးကြပ်ဆောင်ရွက်ခဲ့သည်။
ထိုသို့ ဆောင်ရွက်ရာတွင် ဆန်နှင့်ဆီများအား ပြည်သူများသို့ သက်သာသောနှုန်းထားဖြင့် ရောင်းချရာတွင် သတ်မှတ်ရည်ညွှန်းဈေးနှုန်းဖြင့် ရောင်းချနိုင်ရေး၊ သင့်တင့်မျှတသော ဈေးနှုန်းဖြစ်စေရေး၊ ပြည်သူများမှလည်း စနစ်တကျတန်းစီဝယ်ယူနိုင်ရေး ကြီးကြပ်ဆောင်ရွက်ခဲ့သည်။ အဆိုပါနေ့၌ စားအုန်းဆီ တစ်ပိဿာလျှင် (၆၀၅၅) ကျပ်၊ ဧည့်မထဆန် (၁) ပြည်လျှင် (၃၀၀၀) ကျပ်ဖြင့် ရောင်းချခဲ့ရာ ဆီ (၁၂၀၀) ပိဿာနှင့် ဆန် (၁၀၀) အိတ် ရောင်းခဲ့ကြောင်း သိရှိရပါသည်။
DOCA(မွန်)