တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနသည် ၂၀၂၄ခုနှစ်၊ ဇူလိုင်လ (၉) ရက်နေ့၊ နံနက်(၉း၃၀)နာရီအချိန်တွင် မြို့နယ်ပြည်သူ့ကျန်းမာရေးဦးစီးဌာနတို့ဖြင့် အမှတ်(၆)၊ အခြေခံပညာအထက်တန်းကျောင်းရှိ ကျောင်းသား/ကျောင်းသူ၊ ဆရာ၊ ဆရာမများအား ကျန်းမာရေးဆိုင်ရာ အသိပညာပေးဟောပြောခြင်းနှင့် စားသုံးသူကာကွယ်ရေးဆိုင်ရာသိကောင်းစရာများ အ ကြောင်း ဟောပြောဆွေးနွေးခဲ့ကြပါသည်။
အဆိုပါဟောပြောပွဲတွင် အမှတ်(၆)အခြေခံပညာအထက်တန်းကျောင်း၊ ကျောင်းအုပ်ဆရာကြီးက မိတ်ဆက်အမှာစကားပြောကြားခဲ့ပြီး မြို့နယ်ပြည်သူ့ကျန်းမာရေးဦးစီးဌာနက မိုးရာသီ အတွင်းဖြစ်ပေါ်လေ့ရှိသော ရောဂါများအကြောင်း၊ ရောဂါဖြစ်ပေါ်လာပါက အခြေအနေပေါ်မူတည်ပြီး ဆေးရုံ/ဆေးခန်းသွားရောက်ရန်အဆင့်များ၊ မိုးရာသီသွေးလွန်တုတ်ကွေးမဖြစ်ပေါ်စေရန် ကာကွယ်ရမည့်နည်းလမ်းများအကြောင်းပြောကြားခြင်းနှင့် စားသုံးသူရေးရာဦးစီးဌာနက တာဝန်ရှိသူပြည်သူတိုင်းသည် စားသုံးသူများဖြစ်သည့်အတွက် စားသုံးသူအခွင့်အရေး၊ တာဝန်များအကြောင်း၊ စားသုံးသူ နစ်နာမှုရှိပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်း၊ ထုတ်ကုန်များတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြရခြင်းအကြောင်း၊ အစားအစာစားသောက်ရာတွင် လိုက်နာသင့်သည့်အချက်များအား ပြောကြားခဲ့ပြီး အသိပညာပေးလက်ကမ်းစာစောင်များ ဖြန့်ဝေပေးခဲ့ကြပါသည်။ ဟောပြောပွဲကို ဆရာ/ဆရာမ၊ ကျောင်းသား၊ ကျောင်းသူ စုစုပေါင်း(၄၀၀)ခန့် တက်ရောက်ခဲ့ပြီး ကျောင်းမုန့်စျေးတန်းတွင်လည်း ကုန်အညွှန်းအမှတ်အသားဖော်ပြမပါရှိသောမုန့်နှင့် သက်တမ်းလွန်မုန့်များ ရောင်းချမှုမရှိစေရေးကွင်းဆင်းစစ်ဆေးခဲ့ကြောင်း သတင်းရရှိပါသည်။
DOCA(တနင်္သာရီ)