ယခုနှစ် ပထမ(၆)လအတွင်း တရုတ်နိုင်ငံမှ ထိုင်းနိုင်ငံသို့ လာရောက်လည်ပတ်သူ ၃.၄၃သန်းဖြင့် တရုတ်ခရီးသွားများသည် မလေးရှားခရီးသွားများကိုကျော်ကာ ထိုင်းနိုင်ငံ၏ ကမ္ဘာလှည့်ခရီးသွားအများဆုံးရင်းမြစ်ဖြစ်လာခဲ့သည်။
မလေးရှားနိုင်ငံမှ လာရောက်လည်ပတ်သူ ၂.၄၃သန်းဖြင့် ဒုတိယနေရာတွင်ရှိပြီး ၎င်း၏အနောက်တွင် လာရောက်လည်ပတ်သူ ၁သန်းဖြင့် အိန္ဒိယနိုင်ငံမှ ရပ်တည်လျက်ရှိကြောင်း ထိုင်းခရီးသွားလုပ်ငန်းနှင့် အားကစားဝန်ကြီးဌာန၏ အချက်အလက်များအရသိရသည်။
ထိုင်းနိုင်ငံသည် ဇန်နဝါရီလမှ ဇွန်လအတွင်း ပြည်ပမှခရီးသွားဝင်ရောက်မှုမှာ ၁၇.၅သန်းရှိခဲ့ပြီး ယခုနှစ်လျာထားချက်၏ ထက်ဝက်မှာ ၃၆.၇သန်းဖြစ်သည်။
ပြီးခဲ့သည့်နှစ်က မလေးရှားသည် တရုတ်နိုင်ငံကိုကျော်တက်ကာ ထိုင်းနိုင်ငံ၏ အကြီးဆုံး ခရီးသွားဈေးကွက် ဖြစ်လာခဲ့သည်။
ဇွန်လမှစတင်၍ ထိုင်းနိုင်ငံသည် နိုင်ငံပေါင်း ၉၃နိုင်ငံမှ ခရီးသွားများကို ဗီဇာမလိုဘဲ ရက်ပေါင်း ၆၀အထိဝင်ရောက်ခွင့်ပြုခဲ့ပြီး ယခင်ခွင့်ပြုခဲ့သော ၅၇နိုင်ငံမှ ယခုကဲ့သို့ တိုးမြှင့်ခွင့်ပြုခဲ့ခြင်းဖြစ်သည်။
စီးပွားရေးတိုးတက်မှုအတွက် ခရီးသွားလုပ်ငန်းကို မှီခိုနေရသောထိုင်းနိုင်ငံသည် ၂၀၁၉ခုနှစ်တွင် စံချိန်တင်ဝင်ရောက်လာသော ပြည်ပခရီးသွားဧည့်သည် ၃၉.၉သန်းကိုကြီးစိုးခဲ့ပြီး ဝင်ငွေ ဘတ် ၁.၉၁ထရီလီယံ(အမေရိကန်ဒေါ်လာ ၅၁.၉ဘီလီယံ) ရရှိခဲ့သည်။
Source: vnexpress
DOCA(ရန်ကုန်)