၁၅.၃.၂၀၂၂ရက်နေ့ နံနက်(၀၉:၀၀)နာရီအချိန်တွင် ဧရာဝတီတိုင်းဒေသကြီး၊ ပုသိမ်မြို့၊ ဧရာရွှေဝါခန်းမ၌ တိုင်းဒေသကြီးအစိုးရအဖွဲ့၏ ကြီးကြပ်မှုဖြင့် ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ တိုင်းအတွင်း စားသုံးဆီဖူလုံရေးအတွက် ဖွဲနုဆီထုတ်လုပ်ရန်နှင့် စပါးခွံမှလျှပ်စစ်ဓါတ်အားထုတ်ယူရရှိရေး အလုပ်ရုံ ဆွေးနွေးပွဲအား ကျင်းပပြုလုပ်ခဲ့ပါသည်။ အလုပ်ရုံဆွေးနွေးပွဲသို့ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့် ဝန်ကြီးများ၊ မြန်မာနိုင်ငံဆန်စပါးအသင်းချုပ် ဥက္ကဌနှင့် ပညာရှင်များ၊ ဆန်စပါးကုမ္ပဏီများမှ တာဝန်ရှိသူများ၊ ဧရာဝတီတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်း၊ ဆန်စက်လုပ်ငန်းရှင်များအသင်း၊ ဆန်ကုန် သည်များ အသင်း၊ တောင်သူလယ်သမားဖွံ့ဖြိုးရေးအသင်းတို့မှ ဥက္ကဌနှင့် အတွင်းရေးမှူးများ၊ ဆန်စက်ပိုင်ရှင်များ၊ ဆန်ကုန် သည်များ၊ တိုင်းအဆင့်ဌာနဆိုင်ရာမှ တိုင်းဒေသကြီးဦးစီးမှူးများ၊ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူးနှင့် ဒုတိုင်းဒေသကြီးဦးစီးမှူး၊ ခရိုင်/ မြို့နယ် တာဝန်ခံများ၊ ဝန်ထမ်းများ၊ စုစုပေါင်း(၈၀)ဦး တက်ရောက်ခဲ့ပြီး၊ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်း၊ မြန်မာနိုင်ငံဆန်စပါးအသင်းချုပ်ဥက္ကဌ ဦးရဲမင်းအောင်နှင့် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးစိုးအောင်တို့မှ တိုင်းအတွင်း စားသုံးဆီဖူလုံရေးအတွက် ဖွဲနုဆီထုတ်လုပ်ရန်နှင့် စပါးခွံမှလျှပ်စစ်ဓါတ်အား ထုတ်ယူရရှိရေး အလုပ်ရုံဆွေးနွေးပွဲကျင်းပရခြင်း အကြောင်းအရင်းများအား အကျယ်တဝင့်ရှင်းလင်း ဆွေးနွေးပြောကြားခဲ့ပါကြောင်း သတင်းရရှိပါသည်။
DOCA(ဧရာဝတီ)