ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ်၏ လမ်းညွှန်ချက်အရ တောင်ငူခရိုင် ဆန်ကုန် သည်နှင့်ဆန်စက်ပိုင်ရှင်များက ဆန်များကိုလည်းကောင်း၊ ဆီကုန်သည်နှင့် ဆီလုပ်ငန်းရှင်များက စားသုံးဆီများကိုလည်းကောင်း သက်သာသောနှုန်းထားဖြင့် နေ့စဉ် ကိုယ်တိုင်စိုက်ပျိုးမွေးမြူ ထုတ်လုပ်သူများ အရောင်းဈေးနှင့် ရပ်ကွက်များသို့ mobile မော်တော်ယာဉ်ဖြင့် လှည့်လည်၍ ရောင်းချပေးလျက်ရှိပါသည်။
၂၀၂၄ခုနှစ် ဇူလိုင်လ ၈ ရက်နေ့တွင် တောင်ငူမြို့ တောင်ငူမြို့ အမှတ်(၈)ရပ်ကွက်၊ အုတ်ကျွတ်တန်း (တောင်)တွင် ဆန် ၁၀ အိတ်နှင့် ဆီပိဿာ ၂၇၀ ကို လူတစ်ဦးလျှင် ဆန် (၂)ပြည်၊ ဆီ ၅၀ ကျပ်သားနှုန်းဖြင့် ရောင်းချပေးပါသည်။
ဆန်တစ်ပြည်လျှင် ၃၀၀၀ ကျပ်၊ ဆီတစ်ပိဿာလျှင် ၅၉၀၀ ကျပ်နှုန်းဖြင့် ရောင်းချပေး လျက်ရှိရာ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးနှင့်ဝန်ထမ်းများ၊ သက်ဆိုင်ရာ ရပ်ကွက် အုပ်ချုပ်ရေးမှူးနှင့် အုပ်ချုပ်ရေးအဖွဲ့ဝင်များက ကြီးကြပ်၍လိုအပ်သည်များကို ကူညီဆောင်ရွက် ပေးကြောင်းနှင့် သိရပါသည်။
DOCA(ပဲခူး)