ဧရာဝတီတိုင်းဒေသကြီး မအူပင်ခရိုင်၊ ဓနုဖြမြို့နယ်၌ ဆေးဝါးများ ဈေးတင်ရောင်းချမှုမရှိစေရေးအတွက် (၁၄.၇.၂၀၂၄)ရက်နေ့၊ နံနက် (၀၉:၃၀)အချိန်တွင် ဓနုဖြူမြို့နယ်အတွင်းရှိ ဆေးဆိုင်များအား မြို့နယ်စားသုံးသူရေးရာဦးစီးဌာန၊ စည်ပင်သာယာရေးအဖွဲ့၊ ခရိုင်FDA၊ ကျန်းမာရေးဦးစီးဌာန၊ နှင့် ပူးပေါင်းအဖွဲ့ များမှ လိုက်လံစစ်ဆေး ဆောင်ရွက်ကြောင်း သိရသည်။
ပူးပေါင်းစစ်ဆေးရေးအဖွဲ့ စားသုံးသူရေးရာဦးစီးဌာန၊မြို့နယ်ဦးစီးမှူး ဦးဝင်းမင်းစိုးက လုပ်ငန်းရှင်များကို မိုးရာသီကာလအတွင်း ပြည်သူများကျန်းမာရေးအရ သုံးစွဲရန်လိုအပ်သော ဆေးဝါးများ ဓနုဖြူမြို့နယ် အတွင်းရှိ ဈေးနှုန်းများမြှင့်တင်ရောင်းချခြင်း၊ စံမမီဆေးဝါးအတုများရောင်းချမှုမရှိစေရန် ဆေးဆိုင်ရောင်းချနေသော ဆိုင်များအား လိုက်လံစစ်ဆေးဆောင်ရွက်ခြင်းဖြစ်ကြောင်း၊ စစ်ဆေးရာတွင် မြို့၊ ရပ်ကွက်၊ ကျေးရွာ၊ ကျေးရွာအုပ်စုများတွင် ဖွင့်လှစ်ရောင်းချလျက်ရှိသော ကျန်းမာရေးဆေးဆိုင်များနှင့် ကုန်စုံဆိုင်များ ဈေးတင်ရောင်းချခြင်းမပြုဘဲ မူလရောင်းဈေးဖြင့်သာ ရောင်းချရေးပူးပေါင်း ပါဝင်ကူညီဆောင်ရွက်ပါရန် မေတ္တာရပ်ခံပန်ကြားခဲ့ကြောင်း သိရသည်။
ဆက်လက်၍ ဆိုင်ရှင်များကိုလည်း ကုန်အညွှန်းအမှတ်အသား သတ်မှတ်ချက်ပြည်စုံစွာ ဖော်ပြပါရှိသော ဆေးဝါးများကိုသာ ရောင်းချရန်၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ တားမြစ်ကုန်စည်များကိုလည်း မရောင်းချရန်နှင့် သတ်မှတ်ချက်စည်းကမ်းများနှင့် မကိုက်ညီသော ကုန်စည်များကို ရောင်းချခြင်းမျိုး စစ်ဆေးတွေ့ရှိပါက အရေးယူဆောင်ရွက်ခြင်း၊ ဌာနတို့၏ ပြစ်မှု၊ပြစ်ဒဏ် ဥပဒေအတိုင်း အရေးယူခံရမည်ဖြစ်ကြောင်း ရှင်းလင်းဆွေးနွေးပြီး ဆေးဝါးများကိုကြည့်ရှုစစ်ဆေးခြင်း၊ ဆေးဝါးဈေးနှုန်းများကို မေးမြန်းစစ်ဆေးခြင်းတို့ ဆောင်ရွက်ကာ ဓနုဖြူမြို့နယ်အတွင်း ရောင်းချနေသော ဆေးပစ္စည်းအမျိုးမျိုးတို့ကို သတ်မှတ်ချက်များအတိုင်း လိုက်နာရောင်းချနေကြောင်း သတင်းရရှိပါသည်။
DOCA(ဧရာဝတီ)