စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့် ဝန်ထမ်းများသည် တိုင်းဒေသကြီးဦးစီးမှူး၏ လမ်းညွှန်ချက်အရ ပခုက္ကူမြို့ပေါ်ရှိ ဆန်ဆိုင်များဖြစ်သော အောင်ချမ်းငြိမ်း၊ နေမျိုးဝင်း၊ အာရုဏ်ဦးနှင့် မောင်မောင်ကဲဆန်ဆိုင်များသို့ (၁၈.၇.၂၀၂၄)ရက်နေ့၊ နံနက်(၀၉:၀၀)နာရီအချိန်တွင် သွားရောက်၍ ဆန်ဆိုင်များအား ရည်ညွှန်းဈေးဖြင့် ရောင်းချခြင်း ရှိ/မရှိ ကွင်းဆင်းခဲ့ပါသည်။
ထိုဆိုင်များတွင် ရောင်းချသော ဆန်အမျိုးအစားများမှာ မနောသုခ၊ ဧရာပဒေသာ၊ ဖန်သီးရှယ်၊ ရက်(၉၀)၊ နေပြည်တော်ဇီယာ၊ မြသုံးလုံးဇီယာ၊ ရွှေဘိုပေါ်ဆန်း၊ စန်းပဒေသာ၊ အမေ့နို့ရည် (စလင်း)နှင့် ရတနာတိုးဆန်များ ရောင်းချနေကြောင်း၊ ၎င်းဆန်များမှာ ဆန်အမျိုးအစားကိုလိုက်၍ မနောသုခ ဆန်တစ်အိတ်လျှင် ကျပ်(၉၀၀၀၀)၊ ဖန်သီးရှယ် ဆန်တစ်အိတ်လျှင် ကျပ်(၁၁၀၀၀၀)၊ နေပြည်တော် ဇီယာ ဆန်တစ်အိတ်လျှင် ကျပ်(၈၅၀၀၀)၊ မြသုံးလုံးဇီယာ ဆန်တစ်အိတ်လျှင် ကျပ်(၈၅၀၀၀)၊ ရွှေဘိုပေါ်ဆန်း ဆန်တစ်အိတ်လျှင် ကျပ်(၁၄၅၀၀၀)ဖြင့် ရောင်းချနေကြောင်း သတ်မှတ်ဗွီနိုင်းများလည်း စားသုံးသူပြည်သူများမြင်သာအောင် ချိတ်ဆွဲထားကြောင်း ဆန်ကုန်သည်များထံမှ သိရှိရပါသည်။
DOCA(မကွေး)