![](http://www.doca.gov.mm/sites/default/files/styles/consumer_inner_image__847x424_/public/24.15_0.jpg?itok=5v3RAkal)
ဧရာဝတီတိုင်းဒေသကြီး၊ မအူခရိုင်၊ မအူပင်မြို့တွင် စားသုံးဆီများရောင်းချလျက်ရှိသော စျေးဆိုင်များအား သတ်မှတ်ရည်ညွှန်းစျေးနှုန်းဖြင့် ရောင်းချခြင်းရှိ/မရှိ ၊ ပါကင်ဆီဗူးများတွင် ကုန်အညွှန်းအမှတ်အသားပါဝင်ခြင်းရှိ/မရှိ ကွင်းဆင်းစစ်ဆေးခြင်းကို (၁၇.၇.၂၀၂၄)ရက်နေ့ ၊နံနက် (၁၀:၀၀) နာရီက ဌာနဆိုင်ရာများက မြို့ပေါ်ရပ်ကွက်များနှင့် မြို့မစျေး၊ မင်္ဂလာဈေး၊ အခွန်လွတ်ဈေး၊ ၃လမ်း ရပ်ကွက်ဈေးအတွင်းရှိ စားသုံးဆီအရောင်းဆိုင်များအား ကွင်းဆင်းကြည့်ရှု စစ်ဆေးခဲ့ကြောင်း သိရသည်။
ကွင်းဆင်းစစ်ဆေးရာ စားသုံးသူရေးရာဦးစီးဌာန၊ မအူပင်ခရိုင်ခရိုင်ဦးစီးမှူး ရုံးမှ ဒု-ခရိုင်ဦးစီးမှူး ဦးအောင်ဇော်ဦးက မအူပင်မြို့နယ်တွင် ကုန်စျေးနှုန်းတည်ငြိမ်ရေးနှင့် ပြည်သူများ စားသုံးဆီများ စျေးနှုန်းသက်သာစွာ ဝယ်ယူစားသုံးနိုင်ရေးအတွက် အပတ်စဉ်ပူးပေါင်းစစ်ဆးရေးအဖွဲ့ဖြင့် ဈေးကွက်စောင့်ကြည့်ခြင်းဖြစ်ပြီး ပါကင်ပိတ်ဗူးသွပ်ဆီများတွင် စားသုံးသူရေး ရာဦးစီးဌာန စားသုံးသူကာကွယ်ရေးဥပဒေပါ ကုန်စည်အမျိုးအစားအလိုက် ဖော်ပြရမည့် ကုန်အညွှန်းအမှတ်အသား ပါဝင်မှုရှိ/မရှိကို စစ်ဆေးခြင်း၊ သက်ဆိုင်ရာဌာနတို့၏ ထောက်ခံချက်၊ ခွင့်ပြုချက်ပါရှိခြင်းရှိ/မရှိကိုစစ်ဆေးခြင်း၊ စားသုံးဆီများ သတ်မှတ် ရည်ညွှန်းဈေးဖြင့် ရောင်းချမှုရှိ/မရှိကို စစ်ဆေးခဲ့ရာ မအူပင်မြို့နယ်အတွင်း စားသုံးဆီများကို သတ်မှတ်ချက်နှင့်အညီလိုက်နာဆောင်ရွက်ရောင်းချနေကြောင်း စစ်ဆေးတွေ့ရှိရပါသည်။
စားသုံးဆီရောင်းချနေသောလုပ်ငန်းရှင်များကို မိမိတို့ရောင်းချနေသောကုန်စည်များကို သတ်မှတ်ချက်နှင့်အညီ အရည်အသွေးပြည့်မီ အလေးချိန်မှန်ကန်စေရေး၊ ဈေးနှုန်းမြင့်တင်ရောင်းချခြင်း မရှိစေရေး၊ စားသုံးသူဘေးအန္တရယ်ကင်းရှင်းစွာ အသုံးပြုနိုင်ရန် ရောင်းချနေသော ပေပါခွံများကို ပုံမှန်သန့်ရှင်းရေး ပြုလုပ်ရောင်းချရန်၊ ရောနှောဆီများကို ဖော်ပြချက်များ မရှိပဲ မိမိသဘောဆန္ဒများအတိုင်း ရောင်းချခြင်းမပြုရန်၊ သက်ဆိုင်ရာဌာနတို့၏ ထုတ်ပြန်ချက်များကို အချိန်နှင့်တပြေးညီလေ့လာပြီး လေးစားလိုက်နာ ပူးပေါင်းဆောင်ရန် မှာကြားပြီး မည်သည့်လုပ်ငန်းရှင်မဆို သတ်မှတ်ချက်များအတိုင်း လိုက်နာဆောင်ရွက်မှုမရှိပါက ထိရောက်စွာအရေးယူဆောင်ရွက်ခံရနိုင်ကြောင်းကို ပြောကြားဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)