![](http://www.doca.gov.mm/sites/default/files/styles/consumer_inner_image__847x424_/public/26.2_7.jpg?itok=Zcu85Abt)
စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ မြို့နယ်တာဝန်ခံ ဒုတိယဦးစီးမှူး ဒေါ်ဌေးဌေးဝင်းသည် ကျောင်းနေအရွယ် ကျောင်းသား၊ကျောင်းသူများ ကျန်းမာရေးဗဟုသုတများ ရရှိစေရန်နှင့် ဘေးအန္တရာယ်ကင်းရှင်းသော အစားအသောက်များ စားသောက်နိုင်စေရေးအတွက် ရည်ရွယ်၍ မိတ်ဖက်ဌာနများဖြစ်သည့် အထွေထွေအုပ်ချုပ်ရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ (၁၇.၇.၂၀၂၄) ရက်နေ့တွင် နေ့လယ်(၁၃:၃၀)နာရီမှ (၁၄:၃၀)နာရီ အချိန်ထိ လယ်ကိုင်းကျေးရွာအခြေခံပညာ အထက်တန်းကျောင်း၌လည်းကောင်း၊ (၂၂.၇.၂၀၂၄)ရက်နေ့တွင် နံနက်(၁၀:၀၀)နာရီမှ (၁၁:၃၀) နာရီ အချိန်ထိ ကံသာကြီးကျေးရွာ အခြေခံပညာအထက်တန်းကျောင်း၌လည်းကောင်း အသိပညာပေးဆွေးနွေး ဆောင်ရွက်ခဲ့ပါသည်။
ထိုသို့ ဆွေးနွေးရာတွင် ပွင့်ဖြူမြို့နယ် တာဝန်ခံဒေါ်ဌေးဌေးဝင်းမှ စားသုံးသူကာကွယ်ရေးဥပဒေပါ ပြဌာန်းချက်များ၊ စားသုံးသူအခွင့်အရေးနှင့်တာဝန်များ၊ အခန်း(၁၈)ပါ ကုန်အညွှန်းအမှတ်အသားဆိုင်ရာ ကုန်စည်အမျိုးအစားအလိုက် သိသာထင်ရှားစွာ ဖော်ပြရမည့် သတ်မှတ်ချက်(၈)ချက်နှင့် ပြစ်မှုပြစ်ဒဏ်များ၊ စားသုံးသူနှင့်လုပ်ငန်းရှင်ကြား ပြဿာနာတစ်စုံတစ်ရာဖြစ်ပေါ်လာပါက တိုင်ကြားနိုင်သော နေရာများစသည့်အချက်များအား အသိပညာပေး ရှင်းလင်းဆွေးနွေးခဲ့ပြီး(၂/၂၀၁၉)ပါ လက်ကမ်းစာစောင်များ ဖြန့်ဝေပေးခဲ့ပါသည်။ အဆိုပါ ဆွေးနွေးပွဲသို့ လယ်ကိုင်းကျေးရွာ၊ အခြေခံပညာအထက်တန်းကျောင်းမှ ဆရာ၊ဆရာမ၊ ကျောင်းသား၊ကျောင်းသူ စုစုပေါင်း(၁၂၀)ဦးနှင့် ကံသာကြီးကျေးရွာ၊ အခြေခံပညာအထက် တန်းကျောင်းမှ ဆရာ၊ဆရာမ၊ ကျောင်းသား၊ ကျောင်းသူစုစုပေါင်း (၆၀)ဦးတို့ တက်ရောက်ခဲ့ကြောင်း သိရှိရပါသည်။
DOCA(မကွေး)