စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၊ ခရိုင်ဦးစီးမှူးတို့၏ လမ်းညွှန်မှုဖြင့် စားသုံးသူ ပြည်သူများ ဘေးကင်းလုံခြုံ စိတ်ချရမှုရှိစေရေးအတွက် လစဉ်ဈေးကွက် စောင့်ကြည့်စစ်ဆေးခြင်းလုပ်ငန်းများ ဆောင်ရွက်လျက်ရှိရာ (၂၂.၇.၂၀၂၄)ရက်နေ့၊ နံနက်(၁၀း၀၀) နာရီအချိန်တွင် ဆင်ပေါင်ဝဲ မြို့ပေါ်ရှိ အလှကုန်စတိုးဆိုင်များသို့ မိတ်ဖက်ဌာနများဖြစ်သည့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ FDAမှ သုံးစွဲရန်မသင့် ထုတ်ပြန်ထားသည့် QIAN LI အမှတ်တံဆိပ်ဖြင့် ထုတ်လုပ်ထားသည့် Whitening Cream20g အလှကုန်ပစ္စည်းအား ဈေးကွက်အတွင်း ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် QIAN LI အမှတ် တံဆိပ်ဖြင့် ထုတ်လုပ်ထား သည့် Whitening Cream 20gအား ရောင်းချခြင်းမရှိကြောင်း၊ ဈေးဆိုင်ပိုင်ရှင်များအား အဆိုပါအလှကုန် ပစ္စည်းအား ရောင်းချခြင်းမပြုရန်နှင့် ကုန်အညွှန်းအမှတ်အသားများ ပြည်စုံစွာပါရှိသည့် ကုန်စည်များကိုသာ ရောင်းချရန်၊ ထုတ်လုပ်သည့်ရက်စွဲ၊ ကုန်ဆုံးသည့်ရက်စွဲပါဝင်သည့် ကုန်စည်များကိုသာ ရောင်းချစေရန်၊ သက်တမ်းကုန်လွန်သည့် ကုန်စည်များကိုလည်း ရောင်းချခြင်းမပြုရန် အသိပညာပေးဆွေးနွေးခဲ့ပြီး စားသုံးသူရေးရာဦးစီးဌာနမှ လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။
DOCA(မကွေး)