စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ် တာဝန်ခံသည် ကျောင်းသား၊ ကျောင်းသူများ၊ ကျေးလက်နှင့် မြို့ပြနေ ပြည်သူများ၊ ဌာနဆိုင်ရာဝန်ထမ်းများ၊ စီးပွားရေးလုပ်ငန်းရှင်များအား စားသုံးသူအခွင့်အရေးများ၊ လိုက်နာရမည့် တာဝန်များနှင့်ပြစ်မှု ပြစ်ဒဏ်များအား သိရှိစေရန်နှင့် ကုန်အညွှန်းအမှတ်အသားဆိုင်ရာ သတ်မှတ်ချက်များအားသိရှိပြီး ဘေးအန္တရာယ်ကင်းရှင်းသော အစားအသောက်နှင့်ကုန်စည်များအား ရွေးချယ်ဝယ်ယူ စားသုံးအသုံးပြုနိုင်စေရန်အတွက် အသိပညာပေးဆွေးနွေးပွဲများအား စဉ်ဆက်မပြတ် ဆောင်ရွက်လျက်ရှိပါသည်။
မြို့သစ်မြို့နယ်တာဝန်ခံသည် (၂၃.၇.၂၀၂၄)ရက်နေ့၊ နံနက်(၀၉:၀၀)အချိန်တွင် အမှတ်(၁) အခြေခံပညာအထက်တန်းကျောင်း(ရတနာခန်းမ)၌ စားသုံးသူကာကွယ်ရေး ဥပဒေ ၂၀၁၉ပါ အခြေခံကျောင်းသား၊ ကျောင်းသူများသိသင့်သော စားသုံးသူ၊ စီးပွားရေးလုပ်ငန်းရှင်၊ စားသုံးသူကာကွယ်ရေး၏ အဓိပ္ပါယ်ဖွင့်ဆိုချက်များ၊ စားသုံးသူများ၏ အခွင့်အရေး(၈)ချက်၊ လိုက်နာရမည့်တာဝန် (၄)ချက်တို့အား အသေးစိတ် ရှင်းလင်းဆွေးနွေးခဲ့ပါသည်။
ထိုအသိပညာပေးရှင်းလင်းဆွေးနွေးပွဲသို့ မြို့သစ်မြို့၊ အခြေခံပညာအထက်တန်းကျောင်းမှ ကျောင်းအုပ်ဆရာမကြီးနှင့် ဆရာ၊ ဆရာမ(၈)ဦး၊ ကျောင်းသား၊ ကျောင်းသူ (၁၂၀)ဦးတို့ တက်ရောက်ခဲ့ပြီး ဌာနမှထုတ်ဝေသော အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရ ပါသည်။
DOCA(မကွေး)