(၁၇.၇၂၀၂၄)ရက်နေ့၊ နံနက်(၀၉:၀၀)နာရီအချိန်တွင် စစ်ကိုင်းတိုင်းဒေသကြီး၊ မုံရွာမြို့၊ တိုင်းဒေသကြီး အစိုးရအဖွဲ့ရုံး ချင်းတွင်းခန်းမတွင် တိုင်းဒေသကြီးစားသုံးသူရေးရာကော်မတီ၏ အစည်းအဝေးဆုံးဖြတ်ချက်အရ ဆိုလာသုံးဆွဲမှုနှင့်ပတ်သက်၍ စားသုံးသူနစ်နာဆုံးရှုံးမှုကို ကာကွယ်ပေးနိုင်ရေး အလုပ်ရုံဆွေးနွေးပွဲကို ကျင်းပခဲ့ရာ အဆိုပါအလုပ်ရုံဆွေးနွေးပွဲတွင် တိုင်းစားသုံးသူရေးရာကော်မတီဥက္ကဌ စီးပွားရေးရာဝန်ကြီးက အဖွင့်အမှာစကား ပြောကြားခဲ့ပြီး တရားလွှတ်တော်ချုပ်၊ တိုင်းဒေသကြီးအစီုးရအဖွဲ့များ၊ ကော်မတီအဖွဲ့ဝင်များ၊ စီးပွာရေးလုပ်ငန်းရှင်များ၊ ဌာနဆိုင်ရာများမှ လူဦးရေ စုစုပေါင်း(၁၁၀)ဦး တက်ရောက်ခဲ့ကြောင်း သိရှိရသည်။
ဆက်လက်၍ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးစိုးအောင်က စားသုံးသူရေးရာ ကော်မတီအစည်းအဝေး(၂/၂၀၂၄)ကြိမ်မြောက် အစည်းအဝေးဆုံးဖြတ်ချက်အရ ဆိုလာသုံးစွဲမှုနှင့် ပတ်သက်၍ စားသုံးသူနစ်နာမှုများကို ကာကွယ်ပေးနိုင်ရေးအတွက် အလုပ်ရုံဆွေးနွေးပွဲ ဆောင်ရွက်ခြင်းဖြစ်ကြောင်း၊ စားသုံးသူအခွင့်အရေးနှင့် နစ်နာဆုံးရှုံးမှုမရှိစေရေးတို့အတွက် စံလုပ်ထုံးလုပ်နည်း (SOP) မူကြမ်းရေးဆွဲတင်ပြပြီး (SOP) နှင့်အညီ အသိပညာပေးခြင်း၊ ဈေးကွက်စောင့်ကြည့်စစ်ဆေးခြင်း၊ ထိန်းကျောင်းခြင်းနှင့် တိုင်ကြားမှုများကို ညှိနှိုင်းဖြေရှင်းပေးခြင်းတို့ ဆောင်ရွက်နိုင်ရေး ရည်ရွယ်ပါကြောင်း၊ ယခုအခါ နေရောင်ချည်မှ ရရှိလာသော ဆိုလာစွမ်းအင်ကို မြို့ပြတွင်သာမက ကျေးရွာများအထိ ကျယ်ကျယ်ပြန့်ပြန့် သုံးစွဲနေကြပြီဖြစ်၍ စားသုံးသူ ပြည်သူများပေးရသော အခကြေးငွေနှင့် သုံးစွဲရမှု အကျိုးစနစ်မှန်ကန်စေရေး၊ ရောင်းချသော စီးပွားရေးလုပ်ငန်းရှင်များမှလည်း အရည်အသွေးပြည့်မီသော ထုတ်ကုန်ပစ္စည်းများကို ရောင်းချစေရေး၊ သတင်းအချက်အလက် မှန်ကန်စွာ ဝန်ဆောင်မှုပေးနိုင်ရေး၊ နည်းပညာကျွမ်းကျင်မှု အတတ်ပညာရှင်များ ပေါ်ပေါက်လာစေရေး သက်ဆိုင်ရာဌာနများ၏ အထောက်အကူပြု ပညာပေးသင်တန်းများ ဖွင့်လှစ်နိုင်ရေးတို့အတွက် ပူးပေါင်းဆောင်ရွက်နိုင်စေရန်ဆောင်ရွက်ခြင်းဖြစ်ကြောင်း၊ အဓိကအချက်(၆)ချက်ဖြစ်သော (က)ဆိုလာသုံးစွဲရာတွင် ပေးရသောငွေနှင့် သုံးစွဲမှုကောင်းမွန်ခြင်း အခြေအနေ၊ ဆိုလာသုံးစွဲသူများ၏ စိတ်ကူးအိပ်မက်၊ (ခ)ယနေ့ဈေးကွက်တွင်တပ်ဆင်အသုံးပြုနေသည့် ဆိုလာလျှပ်စစ်ထုတ် ဆက်စပ်ပစ္စည်းများဖြစ်သည့် (Inverter Controller Battery )အရည်အသွေး စံချိန်စံညွှန်း ပြည့်မီမှုရှိ/မရှိ ဖော်ထုတ်ချက် (ဂ)သုံးစွဲသူကို ဝန်ဆောင်မှုပေးသည့် တပ်ဆင်ပေးသူများ၏ ကျွမ်းကျင်မှုဆိုင်ရာ အသိအမှတ်ပြု၊ တာဝန်ယူမှု၊ တာဝန်ခံမှု (အာမခံ) ရရှိမှုအခြေအနေ၊ (ဃ)အနာဂတ်အတွက် ဆိုလာလုပ်ငန်းစဉ် ဖွံ့ဖြိုး တိုးတက်လာမည့်အခြေအနေ၊ (င) ဆိုလာပစ္စည်းရောင်းချသူ၊ တပ်ဆင်မှုကိုဝန်ဆောင်မှုပေးသူ၊ အသုံးပြုသူ(Consumer) အငြင်းပွားမှု၊ တိုင်ကြားမှုများကို ဖြေရှင်းပေး နိုင်မည့် နည်းလမ်းများ၊ (စ)ပုဂ္ဂလိက၊ အစိုးရ၊ ပြည်သူ(PPP) ပူးပေါင်းပါဝင်ဆောင်ရွက်နိုင်မှု ခေါင်းစဉ်များဖြင့် အသုံးပြု သူများနှင့် ဆွေးနွေး၍ အလုပ်ရုံဆွေးနွေးပွဲ မှ ရရှိလာသော ရလဒ်များကို ပြည်ထောင်စုဝန်ကြီးဌာနသို့ တင်ပြပြီး စံလုပ်ထုံးလုပ်နည်း(SOP)ရေးဆွဲမည်ဖြစ်ကြောင်း ရှင်းလင်းဆွေးနွေးခဲ့ပြီး အဆိုပါအလုပ်ရုံ ဆွေးနွေးပွဲကို အောင်မြင်စွာ ကျင်းပခဲ့ကြောင်း သတင်းရရှိပါသည်။
DOCA(စစ်ကိုင်း)