မကွေးတိုင်းဒေသကြီး၊ သရက်ခရိုင်၊ သရက်မြို့ အစားအသောက်နှင့်ဆေးဝါးကွပ်ကဲရေးဦးစီးဌာန၌ (၂၃.၇.၂၀၂၄)ရက်နေ့၊ နံနက်(၁၀း၀၀)နာရီအချိန်တွင် သရက်မြို့ပေါ်ရှိ ဆေးနှင့် ဆေးပစ္စည်းရောင်းချသည့် အရောင်းဆိုင်ပိုင်ရှင်(၅)ဦးအား မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေး၊ စားသုံးသူရေးရာဦးစီးဌာနတို့ ပါဝင်သောအဖွဲ့ဖြင့် အသိပညာပေးဟောပြောပွဲ ပြုလုပ်ခဲ့ပါသည်။
ထိုသို့ဟောပြောရာတွင် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ ဒေါ်သဲဦးဗိုလ်မှ ၎င်းတို့၏ညွှန်ကြားချက်များ၊ ဆေးပစ္စည်းများရောင်းချရာတွင် လိုက်နာရမည့် စည်းမျဉ်းစည်းကမ်းများအား အကျယ်တဝင့်ရှင်းလင်းဆွေးနွေးပြောကြားခြင်း၊ မြို့နယ်ကျန်းမာရေးမှ ဒေါ်ခင်ဌေးလှိုင်သည် ဆေးဆိုင်များတွင် ကျန်းမာရေးနှင့်ညီညွတ်သော စည်းမျဉ်းစည်းကမ်းများ အတိုင်းထားရှိစေရေး ဆွေးနွေးပြောကြားခြင်း၊ စားသုံးသူရေးရာဦးစီးဌာနမှ ဒုတိယဦးစီးမှူး ဒေါ်နွဲ့ယဉ်ဝင်းမှ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉)ဖြင့် ထုတ်ပြန်ထားသော ကုန်စည်အုပ်စု(၈)အုပ်စုတွင် ပါဝင်သောကုန်စည်အုပ်စု(င) ဆေးဝါးနှင့် ဖြည့်စွက်စာများတွင် ကုန်အညွှန်းအမှတ်အသား ဖော်ပြရမည့်အချက်များ ထည့်သွင်းဖော်ပြထား သည့် ဆေးဝါးနှင့်ဆေးပစ္စည်းများအား ရောင်းချစေရေးနှင့် သက်တမ်းလွန်ဆေးဝါးများ ရောင်းချမှုမရှိစေရေး ရှင်းလင်းပြောကြားဆွေးနွေးပြီး တက်ရောက်သူ ဆေးဆိုင်ပိုင်ရှင်(၅)ဦးနှင့် မိတ်ဖက်ဌာနမှ အဖွဲ့ဝင်(၁၀)ဦး စုစုပေါင်း(၁၅)ဦးတို့အား လက်ကမ်းစာစောင်များအား ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)