ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင် ဒု-ခရိုင်ဦးစီးမှူး ဦးအောင်ဇော်ဦးနှင့် မအူပင်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ ခရိုင်ပြန်ကြားရေးနှင့် ပြည်သူ့ဆက်ဆံရေး Communit Center ခန်းမ၌ စားသုံးသူအသိပညာပေး Talk Showကို ၂၀၂၄ခုနှစ် ဇူလိုင်လ ၂၃ ရက်နေ့ နံနက် (၁၀:၀၀)နာရီက ကျင်းပပြုလုပ်ခဲ့ကြပါသည်။
ထိုသို့ကျင်းပပြုလုပ်ရာတွင် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ လက်ထောက် ညွှန်ကြားရေးမှူး ဒေါ်ခင်သန္တာထွေး က ခရိုင်စားသုံးသူရေးရာဦးစီးဌာန နှင့် Talk Show ကျင်းပပြု လုပ်ရခြင်း ရည်ရွယ်ချက်နှင့် လုပ်ငန်းဆောင်ရွက်ချက်များ အကြောင်းကိုရှင်းလင်း ပြောကြားပြီး၊ စားသုံးသူရေးရာဦးစီး ဌာနမှ ဒုခရိုင်ဦးစီးမှူးဦးအောင်ဇော်ဦးက စားသုံးသူရေးရာဦးစီးဌာနဖြစ်ပေါ်လာပုံနှင့် စားသုံးသူကာကွယ်ရေးဥပဒေ ရေးဆွဲဖြစ်ပေါ်လာသည့်ကို အကျယ်တဝင့်ရှင်းလင်းပြောကြားပြီး၊ စားသုံးသူများအနေဖြင့် အွန်လိုင်း မှတဆင့် ဝယ်ယူသုံးစွဲရာတွင် လိုက်နာရမည့်အချက်များ၊ မိုဘိုင်း(သို့) အွန်လိုင်းငွေကြေး ဝန်ဆောင်မှုများ အသုံးပြုရာတွင် စားသုံးသူများအနေဖြင့် သတိပြုရမည့် အချက်များ၊ စားသုံးသူများ လိုအပ်ချက်အရ ကုန်စည်နှင့်ဝန်ဆောင်မှုကို အသုံးပြုရာတွင် အွန်လိုင်းမှ ဝယ်ယူအသုံးပြုလိုပါက အွန်လိုင်းစနစ်ဖြင့် ရောင်းချ သော Page များ အွန်းလိုင်းမှတ်ပုံတင်ပြီးစိတ်ချရသော Pageများကသာ ဝယ်ယူအသုံးပြုရန်၊ စားသုံးသူ များအနေ ဖြင့် ကုန်စည်နှင့် ဝန်ဆောင်မှုကို ဝယ်ယူ အသုံးပြုရာတွင် လည်းကောင်း၊ ထုတ်လုပ်ဖြန့်ဖြူးရောင်း ချသည့် လုပ်ငန်းရှင်များကြောင့် နစ်နာဆုံးရှုံးမှုရှိပါက မအူပင်ခရိုင် စားသုံးသူရေးရာဦးစီးဌာနရှိ စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC)သို့ တိုင်ကြား နိုင်မှုနှင့် တိုင်းဒေသ ကြီးဦးစီးမှူးရုံးနှင့် စားသုံးသူရေးရာဦးစီးဌာန ရုံးချုပ်ရှိ Website နှင့် အခြားတိုင်ကြားနိုင်သည့် နည်းလမ်းများ ဌာန၏ လက်ရှိ လုပ်ဆောင်ချက်များကိုရှင်းလင်းဆွေးနွေးခဲ့ပါသည်။
DOCA(ဧရာဝတီ)