စင်္ကာပူနိုင်ငံပိုင် ရင်းနှီးမြှုပ်နှံသူ Temasek သည် ကျန်းမာရေးစောင့်ရှောက်မှု၊ ဘဏ္ဍာရေးဝန်ဆောင်မှုနှင့် နည်းပညာ စသည့်ကဏ္ဍာများနှင့်ပတ်သက်၍ အမေရိကန်နိုင်ငံတွင် လာမည့် ငါးနှစ်အတွင်း အမေရိကန်ဒေါ်လာ ၃၀ဘီလီယံအထိ ရင်းနှီးမြှုပ်နှံရန်စီစဉ်ထားသည်။
၎င်းသည် US တွင် မယုံနိုင်လောက်အောင်နက်နဲပြီး ကျယ်ပြန့်သော အရင်းအနှီးဈေးကွက်တစ်ခုဖြစ်ကြောင်း Temasek ၏ မြောက်အမေရိကအကြီးအကဲ Jone Aterton က Reuters သို့ပြောကြားခဲ့သည်။
အမေရိကန်စီးပွားရေးသည် ဒုတိယသုံးလပတ်တွင် မျှော်မှန်းထားသည်ထက် ပိုမိုလျင်မြန်စွာကြီးထွားလာပြီး ၎င်း၏ကမ္ဘာလုံးဆိုင်ရာ လုပ်ဖော်ကိုင်ဖက်များထက် ဆက်လက်တိုးတက် လျက်ရှိသည်။ J & P 500 အညွှန်းကိန်း (J & P 500 အညွှန်းကိန်းသည် US ရှိ အကြီးဆုံး အများသူငှာရောင်းဝယ်သော ကုမ္ပဏီ၅၀၀ကိုခြေရာခံသည့် စတာ့အညွှန်းကိန်းတစ်ခုဖြစ်သည်) သည်လည်း ၁၄%သို့တိုးတက်လာခဲ့သည်။
ဆန့်ကျင်ဘက်အားဖြင့် တရုတ်နိုင်ငံသည် ယခုလအစောပိုင်းတွင် မျှော်လင့်ထားသည်ထက် တိုးတက်မှုနှုန်းအားနည်းခဲ့ကြောင်းဖော်ပြခဲ့ပြီး ၎င်း၏စီးပွားရေးကိုမြှင့်တင်ရန်အတွက် အဓိက ရေတိုနှင့်ရေရှည်အတိုးနှုန်းများကို ပြီးခဲ့သည့်အပတ်က လျှော့ချခြင်းဖြင့် ဈေးကွက်များကိုအံ့အားသင့်စေခဲ့သည်။
Temasek ၏ ရင်းနှီးမြှုပ်နှံမှု၏ ၂၂% ခန့် သို့မဟုတ် အမေရိကန်ဒေါ်လာ ၆၃ဘီလီယံခန့်သည် အမေရိကန်တွင်ရှိနေပြီး တရုတ်နိုင်ငံတွင် ၁၉% ရှိသည်။ အမေရိကန်နှင့် ၎င်း၏ထိတွေ့မှုသည် ၁၀စုနှစ်တစ်ခုအတွင်း ပထမဦးဆုံးအကြိမ်အဖြစ် တရုတ်နိုင်ငံကိုကျော်တက်သွားခဲ့သည်။
Temasek သည် အမေရိကန်နိုင်ငံ ဒေတာစင်တာများရှိ တစ်ပိုင်းလျှပ်ကူးပစ္စည်းနှင့် ဘက်ထရီသိုလှောင်မှုများကဲ့သို့သော ဉာဏ်ရည်တုဆိုင်ရာနယ်ပယ်များကို အထူးစိတ်ဝင်စား လျက် ရှိသည်ဟု Atherton ကပြောကြားခဲ့သည်။
အမေရိကန်နှင့် အိန္ဒိယတို့တွင် ရင်းနှီးမြှုပ်နှံမှုများမှ အမြတ်အစွန်းများသည် တရုတ်နိုင်ငံ၌ စွမ်းဆောင်ရည်နိမ့်ကျမှုကို တွန်းအားပေးကူညီနေသည်ဟု Atherton မှ ယခုလ အစောပိုင်း တွင်ပြောကြားခဲ့သည်။
Source : channelnewsasia
DOCA(ရန်ကုန်)