ဖိလစ်ပိုင်နိုင်ငံ၏ စိုက်ပျိုးရေးကဏ္ဍကို မြှင့်တင်ရန် အမေရိကန်ဒေါ်လာ ၁.၅ ဘီလီယံ (PHP ၈၇.၅ ဘီလီယံ) ရင်းနှီးမြှုပ်နှံအစီအစဉ်အတွက် သမ္မတ Ferdnand R.Marcos Tr မှ ထိုင်းနိုင်ငံ၏ လုပ်ငန်းစုဖြစ်သည့် Charoen Pakphand Group (CP Group) အား ကျေးဇူးတင်ခဲ့သည်။
ဆိုရှယ်မီဒီယာပို့စ်တစ်ခုတွင် Marcos မှ CP Group ဥက္ကဌ Soopakij Chris Chearavanont နှင့် Laperal Mansion တွင် စိုက်ပျိုးမွေးမြူရေးဆိုင်ရာ ပရေဂျက်များနှင့်အခြား အကြောင်းအရာများကို ဆွေးနွေးရန် အင်္ဂါနေ့က တွေ့ဆုံခဲ့ကြောင်း ပြောကြားခဲ့သည်။
ထိုင်းလုပ်ငန်းစုသည် ဟတ်တာ ၁၀၀၀၀ ရှိသော ခေတ်မှီ mega farm ဖြင့် အစပြုရန် နိုင်ငံအတွက် နောက်ထပ်ရင်းနှီးမြှုပ်နှံမှု အမေရိကန်ဒေါ်လာ ၁.၅ ဘီလီယံကို ကတိပြုထား ကြောင်း ဆက်လက်ပြောကြားခဲ့သည်။
ပြီးခဲ့သည့်နှစ် မေလတွင် သမ္မတသည် Malacarang တွင် ကုမ္ပဏီတာဝန်ရှိသူများနှင့် တွေ့ဆုံပြီးနောက်နိုင်ငံအတွင်း အမေရိန်ကန်ဒေါ်လာ ၂.၅ ဘီလီယံ (PHP ၁၄၀.၈ ဘီလီယံ ခန့်ရင်းနှီးမြှုပ်နှံရန် CP Group အစီအစဉ်ကို ကြေညာခဲ့သည်။
CP Group အမှုဆောင်အရာရှိများသည် Marcos နှင့် ၂၀၂၂ ခုနှစ်၊ နိုဝင်ဘာလ ထိုင်းနိုင်ငံခရီးစဉ်အတွင်း ပထမဆုံးအကြိမ် တွေ့ဆုံခဲ့သည်။
ထိုင်းနိုင်ငံတွင် ထိပ်တန်းဦးပိုင်ကုမ္ပဏီတစ်ခုဖြစ်သည့် CP Group သည် ကမ္ဘာတစ်ဝှမ်း ရှိ နိုင်ငံပေါင်း ၂၁ နိုင်ငံနှင့် စီးပွားရေးလုပ်ငန်းအများအပြားတွင် ရင်းနှီးမြှုပ်နှံမှုများပြုလုပ်ထားပြီး လုပ်ငန်းခွဲပေါင်း ၂၀၀ ကျော်တွင် အလုပ်သမားပေါင်း ၃၀၀၀၀၀ ကျော်အား ခန့်အပ်ထားရှိသည့်။ ၎င်းသည် လုပ်ငန်းပေါင်း ၈ ခုအား ကိုင်တွယ်ဆောင်ရွက်လျက်ရှိပြီး ဆက်သွယ်ရေး၊ E-commerce ပိုင်ဆိုင်မှုဖွံ့ဖြိုးတိုးတက်ရေး၊ မော်တော်ကားနှင့် စက်မှုထုတ်ကုန်များ၊ ဆေးဝါးများနှင့် ဘဏ္ဍာရေးနှင့် ရင်းနှီးမြှုပ်နှံမှုစသည်တို့ဖြစ်သည်။
Source : pna.gov.ph
DOCA(ရန်ကုန်)