၂၀၂၄ခုနှစ်၏ ပထမ ၇လတာကာလတွင် လယ်ယာ-သစ်တော-ရေထွက်ကုန်တင်ပို့မှု ၁၉% နီးပါးမြင့်တက်ခဲ့သည့် ဗီယက်နမ်နိုင်ငံ

      ၂၀၂၄ခုနှစ်၏ ပထမ ၇လတာကာလတွင် လယ်ယာ-သစ်တော-ရေထွက်ကုန်တင်ပို့မှုမှတစ်ဆင့် အမေရိကန်ဒေါ်လာ ၃၄.၂၇ဘီလီယံရရှိခဲ့ပြီး လွန်ခဲ့သည့်နှစ်၏ တူညီသည့်ကာလထက်  ၁၈.၈% မြင့်တက်ခဲ့ကြောင်း ဗီယက်နမ်နိုင်ငံစိုက်ပျိုးမွေးမြူရေးနှင့် ကျေးလက်ဒေသဖွံ့ဖြိုးတိုးတက်ရေးဝန်ကြီးဌာန (MABD) ကပြောကြားခဲ့ပါသည်။

      ဗီယက်နမ်နိုင်ငံသည် လယ်ယာ-သစ်တော-ရေထွက်ကုန်ကဏ္ဍမှတစ်ဆင့် စံချိန်တင်ကုန်သွယ်ရေးပိုငွေ အမေရိကန်ဒေါ်လာ ၉.၄၂ဘီလီယံရရှိခဲ့ပြီး လွန်ခဲ့သည့်နှစ်၏ တူညီသည့် ကာလထက် ၆၀% မြင့်တက်ခဲ့ကြောင်း အချက်အလက်များကဖော်ပြခဲ့သည်ဟုသိရှိရပါသည်။ ဇူလိုင်လတစ်လတည်းတွင် အဆိုပါထုတ်ကုန်များတင်ပို့မှုတန်ဖိုးမှာ အမေရိကန်ဒေါ်လာ ၅.၁၁ဘီလီယံရရှိခဲ့ပြီး လွန်ခဲ့သည့်နှစ်၏ တူညီကာလထက် ၁၈.၂% မြင့်တက်ခဲ့ကြောင်းသိရပါသည်။ ဇန်နဝါရီလမှ ဇူလိုင်လအတွင်း လယ်ယာထွက်ကုန်တင်ပို့မှုမှတစ်ဆင့် အမေရိကန်ဒေါ်လာ ၁၈.၂၁%ဘီလီယံ၊ သစ်တောထွက်ကုန်မှ အမေရိကန်ဒေါ်လာ ၉.၄၁ဘီလီယံ၊ ရေထွက်ကုန်တင်ပို့မှုမှ အမေရိကန်ဒေါ်လာ ၅.၂၉ဘီလီယံနှင့် မွေးမြူရေးထွက်ကုန်များတင်ပို့မှုမှ အမေရိကန်ဒေါ်လာ ၂၈၈သန်းရရှိခဲ့ကာ ၂၃.၄%၊ ၂၁.၁%၊ ၇.၃% နှင့် ၄.၈% အသီးသီးမြင့်တက်ခဲ့ကြောင်းသိရပါသည်။

       ထို့ပြင် သစ်နှင့်သစ်ထွက်ကုန်တင်ပို့မှုမှ အမေရိကန်ဒေါ်လာ ၈.၇၈ဘီလီယံ၊ ကော်ဖီမှ အမေရိကန်ဒေါ်လာ ၃.၅၄ဘီလီယံ၊ ဆန်မှ အမေရိကန်ဒေါ်လာ ၃.၂၇ဘီလီယံ၊ သီဟိုဠ်စေ့မှ အမေရိကန်ဒေါ်လာ ၂.၃၇ဘီလီယံ၊ သစ်သီးနှင့် ဟင်းသီးဟင်းရွက်မှ အမေရိကန်ဒေါ်လာ ၃.၈၃ဘီလီယံ၊ ပုစွန်မှ အမေရိကန်ဒေါ်လာ ၂ဘီလီယံ၊ Tra Fish မှ အမေရိကန်ဒေါ်လာ ၁.၀၂ဘီလီယံရရှိခဲ့ကြောင်းသိရပါသည်။

      အထူးသဖြင့် ဆန်၊ ကော်ဖီ၊ ရော်ဘာနှင့် ငရုတ်ကောင်းတို့၏ ပျမ်းမျှတင်ပို့သည့် ဈေးနှုန်းများလည်းမြင့်တက်ခဲ့ကြောင်းသိရပါသည်။ အမေရိကန်၊ တရုတ်နှင့် ဂျပန်တို့သည် ဗီယက်နမ် လယ်ယာ-သစ်တော-ရေထွက်ကုန်များ၏ အကြီးမားဆုံးတင်သွင်းသူများဖြစ်ကြောင်းသိရပါသည်။

Source : Vietnam Plus

DOCA(ရန်ကုန်)