ကမ္ဘောဒီးယားနိုင်ငံသည် ၂၀၂၄ခုနှစ်၊ ဇူလိုင်လတွင် ပုံသေပိုင်ရင်းနှီးမြှုပ်နှံမှု (ရေရှည်ရင်းနှီးမြှုပ်နှံမှု) အမေရိကန်ဒေါ်လာ ၃၉၆သန်းခွဲရရှိကြောင်း ကမ္ဘောဒီးယားဖွံ့ဖြိုးတိုးတက်ရေးကောင်စီ (CDC) က ဩဂုတ်လ ၇ရက်နေ့၊ ဗုဒ္ဓဟူးနေ့တွင် ထုတ်ပြန်ထားသည့် သတင်းတစ်ရပ်တွင်ဖော်ပြထားသည်။
ကမ္ဘောဒီးယားအစိုးရသည် ပြီးခဲ့သောလတွင် ရင်းနှီးမြှုပ်နှံမှုပရောဂျက်ပေါင်း ၄၄ခုကိုခွင့်ပြုခဲ့ပြီး အလုပ်အကိုင်ပေါင်း ၂၅၀၀၀ခန့်ဖန်တီးပေးခဲ့ကြောင်းသိရသည်။
စီမံကိန်းသစ်တွင် အထူးစီးပွားရေးဇုန်၊ အလူမီနီယံပြုပြင်ထုတ်လုပ်သည့်စက်ရုံ၊ အစားအသောက်ပြုပြင်ရေးစက်ရုံ၊ အထည်ချုပ်၊ ဖိနပ်နှင့် ခရီးသွားကုန်ပစ္စည်းစက်ရုံတို့ပါဝင်ကြောင်း ၎င်းကဆိုသည်။
တရုတ်နိုင်ငံသည် ပြီးခဲ့သည့်လတွင် ကမ္ဘောဒီးယားနိုင်ငံ၏ ထိပ်တန်းရင်းနှီးမြှုပ်နှံသူအဖြစ် ရပ်တည်ခဲ့သည်။
၂၀၂၄ခုနှစ်၊ ဇူလိုင်လတွင် ရင်းနှီးမြှုပ်နှံမှုများ၏ ၆၈% သည် တရုတ်နိုင်ငံမှဖြစ်ပြီး ၁၄% သည် ပြည်တွင်းအရင်းအမြစ်များမှဖြစ်ပြီး ကျန်သည့်ရာခိုင်နှုန်းမှာ ကေမန်ကျွန်း၊ စင်္ကာပူ၊ ဗီယက်နမ်နှင့် ဖိလစ်ပိုင်တို့မှဖြစ်ကြောင်း CDC က ပြောကြားခဲ့သည်။
ကမ္ဘောဒီးယားအစိုးရသည် ၂၀၂၄ခုနှစ်၊ ဇန်နဝါရီလမှ ဇူလိုင်လအတွင်း စုစုပေါင်းအမေရိကန်ဒေါ်လာ ၃.၆၄ဘီလီယံတန်ဖိုးရှိ ရင်းနှီးမြှုပ်နှံမှုပရောဂျက်ပေါင်း ၂၃၄ခုကိုအတည်ပြုခဲ့ပြီး အလုပ်အကိုင်ပေါင်း ၁၉၃၅၇၀ခန့်ကိုဖန်တီးပေးခဲ့သည်။
RCGP နှင့် CCFTA နှစ်ခုစလုံးသည် ကမ္ဘောဒီးယားသို့ နိုင်ငံခြားရင်းနှီးမြှုပ်နှံမှုများကိုဆွဲဆောင်ရန် အားထားရာဖြစ်သည်ဟု ဆင်ဟွာသို့ပြောကြားခဲ့သည်။ အထူးသဖြင့် တရုတ်နိုင်ငံမှ FDI သည် ကမ္ဘောဒီးယား၏ လူမှုစီးပွားဖွံ့ဖြိုးတိုးတက်မှုနှင့် ဆင်းရဲမွဲတေမှုလျှော့ချရေးတို့ကိုမြှင့်တင်ရာတွင် အထောက်အကူများစွာဖြစ်စေကြောင်းသိရှိရသည်။
Source : khmertimeskh
DOCA(ရန်ကုန်)