မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် ၂၀၂၄ ခုနှစ်၊ ဩဂုတ်လ(ပထမပတ်) အစောပိုင်းမှစ၍ စားသုံးဆီဈေးများမြင့်တက်ပြီး အရောင်းအဝယ်ဖြစ်လျက်ရှိသည်။ စားသုံးဆီဈေးနှုန်းများ မှာ မြေပဲဆုံဆီတစ်ပိဿာလျှင် ကျပ်(၂၂၀၀၀)၊ စက်ပဲဆီသန့် တစ်ပိဿာလျှင် ကျပ်(၁၈၀၀၀)ဖြစ်ပြီး ပဲရောဆီတစ်ပိဿာလျှင် ကျပ်(၁၆၅၀၀)၊ နှမ်းဆီတစ်ပိဿာလျှင် ကျပ်(၁၆၅၀၀)၊ နေကြာဆီ တစ်ပိဿာ လျှင် ကျပ်(၁၆၀၀၀)ဈေးဖြင့် အရောင်းအဝယ်ဖြစ်လျက်ရှိပြီး စားအုန်းဆီဈေးနှုန်းမှာ သတ်မှတ်ရည်ညွှန်း ဈေးအတိုင်း ရောင်းချလျက်ရှိကြောင်း သိရှိရပါသည်။
ဩဂုတ်လ(ပထမပတ်)တွင် ဈေးနှုန်းများမှာ မြေပဲဆုံဆီတစ်ပိဿာလျှင် ကျပ်(၂၀၀၀၀)၊ စက်ပဲဆီသန့်တစ်ပိဿာလျှင် ကျပ်(၁၆၀၀၀)ဖြစ်ပြီး၊ ပဲရောဆီတစ်ပိဿာလျှင် ကျပ်(၁၄၀၀၀)၊ နှမ်းဆီ တစ်ပိဿာလျှင် ကျပ်(၁၅၅၀၀)၊ နေကြာဆီတစ်ပိဿာလျှင် ကျပ်(၁၅၀၀၀)ဈေးဖြင့် ယခင်တစ်ပတ်နှင့် ဈေးနှုန်းနှိုင်းယှဉ်ပါက မြေပဲဆီတစ်ပိဿာလျှင် ကျပ်(၂၀၀၀)နှင့် နှမ်းဆီတစ်ပိဿာလျှင် ကျပ်(၁၀၀၀)၊ နေကြာဆီတစ်ပိဿာလျှင် ကျပ်(၁၀၀၀)ဈေးမြင့်တက်၍ အရောင်းအဝယ်ဖြစ်ကြောင်း၊ ဈေးနှုန်းမြင့် တက်ရခြင်းမှာ ပခုက္ကူဈေးကွက်တွင် မြေပဲလက်ကျန်နည်းပြီး တောင်သူများမှလည်း မြေပဲဝင်ရောက်မှု နည်းပြီး ယခုအချိန်တွင် စားသုံးသူများမှလည်း မြေပဲဆီ၊ နှမ်းဆီဝယ်ယူစားသုံးမှု မြင့်မားခြင်းကြောင့် ဆီထွက်သီးနှံ မြေပဲ၊ နှမ်းအရောင်းအဝယ်သွက်ပြီး ဈေးနှုန်းတရိပ်ရိပ်မြင့်တက်လျက်ရှိ၍ စားသုံးဆီဈေး များလည်းမြင့်ကြောင်း စားသုံးဆီ ကြိတ်ခွဲထုတ်လုပ်သည့် လုပ်ငန်းရှင်များထံမှ သိရှိရပါသည်။
ပခုက္ကူမြို့ရှိ စားသုံးသူများသည် မြေပဲဆီကိုသာ အဓိကစားသုံးမှုများပြီး လုပ်ငန်းရှင်များမှလည်း မြေပဲဆံ၊ မြေပဲဆီများ ထုတ်လုပ်ရောင်းဝယ်ဖောက်ကားလျက်ရှိပြီး မြန်မာနိုင်ငံနေရာဒေသအနှံ့အပြားသို့ မြေပဲဆီများ ထုတ်လုပ်တင်ပို့ရောင်းချဖြန့်ဖြူးလျက်ရှိကြောင်း သိရှိရသည်။
DOCA(မကွေး)