အိန္ဒိယနိုင်ငံ၏ ကျောက်မီးသွေးတင်ပို့မှုသည် လက်ရှိဘဏ္ဏာနှစ် ပထမသုံးလပတ်တွင် တန်ချိန် ၇၅.၂၆သန်း(MT) ရှိခဲ့ပြီး ယခင်ဘဏ္ဏာနှစ်၏ အလားတူကာလတွင် တင်သွင်းခဲ့သော ကျောက်မီးသွေး ၇၁.၁၆(MT)နှင့် နှိုင်းယှဥ်ပါက ၅.၇ ရာခိုင်နှုန်းထိ မြင့်တက်လာခဲ့ပါသည်။
ဇွန်လအတွင်း ကျောက်မီးသွေးတင်ပို့မှုသည် ၂၂.၉၇ (MT)ရှိပြီး ယခင်ဘဏ္ဏာရေးနှစ် အလားတူကာလတွင် ၂၁.၅၅(MT)နှင့် နှိုင်းယှဥ်ပါက ၆.၉၇ရာခိုင်နှုန်းပိုများခဲ့ကြောင်း Tata Steel နှင့် B2B ecommerce Plaftform တို့မှ ပူးပေါင်းဆောင်ရွက်သည့် MJunction Service Ltd မှ အချက်အလက်များအရ သိရပါသည်။
Mjuction ၏ MD နှင့် CEO ဖြစ်သူ Vinaya Varma က ပိုလျှံနေသောကျောက်မီးသွေးနှင့် မုတ်သုန်ရာသီအတွင်း စက်မှုလုပ်ငန်းဆောင်ရွက်မှုနှေးကွေးခြင်းကြောင့် သွင်းကုန်ဝယ်လိုအားသည် လာမည့်လအတွင်း လျော့နည်းနိုင်ဖွယ်ရှိသည်ဟု ဆိုသည်။
၂၀၂၄ခုနှစ်ဇွန်လအတွင်း တင်သွင်းမှုစုစုပေါင်းမှ non-coking ကျောက်မီးသွေး(Non-coking ကျောက်မီးသွေးဆိုသည်မှာ လျှပ်စစ်ဓါတ်အားထုတ်လုပ်ရန်အတွက် အပူပေးကျောက်မီး သွေးအသုံးပြုသည်၊ ၄င်းသည် ပျာပါဝင်မှုမြင့်မားပြီး ဘိလပ်မြေ၊ဓါတ်မြေသြဇာ၊ဖန်ကြွေထည်နှင့် အုတ်ထုတ်လုပ်ခြင်းကဲ့သို့သောလုပ်ငန်းများတွင် အသုံးပြုသည်။ တင်သွင်းမှုသည် ၁၄.၁၉(MT) ရှိပြီးယမန်နှစ် ဇွန်လတင်သွင်းသည့် ၁၃.၂၉(MT)ထက်ပိုများသည်။ coking ကျောက်မီးသွး တင်သွင်းမှုမှာ ၅.၄၅(MT) ရှိပြီး ၂၀၂၃ ခုနှစ် ဇွန်လတွင် ၅.၃၃(MT) တင်သွင်းနိုင်ခဲ့သည်။
ပင်လယ်ရေကြောင်းလမ်းမှ ဈေးနှုန်းများလျော့နည်းလာခြင်းနှင့် နွေရာသီတွင် ဓါတ်အား ဝယ်လိုအားမြင့်တက်လာနိုင်ခြေတို့ကြောင့် ၂၀၂၃ဘဏ္ဏာနှစ်က တင်သွင်းခဲ့သော၂၄၉.၀၆ (MT) ထက် ၂၀၂၄ဘဏ္ဏာရေးနှစ်တွင် ၂၆၈.၂၄ (MT) သို့ ၇.၇ ရာခိုင်နှုန်းမြင့်တက်လာခဲ့သည်။
ကျောက်မီးသွေးဝန်ကြီး G Kishan Reddy က အိန္ဒိယသည် ပြည်တွင်းတွင် ရုပ်ကြွင်းလောင်စာထုတ်လုပ်မှုကို တိုးမြင့်ကာ ကျောက်မီးသွေးတင်သွင်းမှုကို လျော့ချသင့်သည်ဟု အစောပိုင်းက ပြောြကားခဲ့သည်.
ပြည်တွင်းကျောက်မီးသွေးထုတ်လုပ်မှုသည် ၂၀၂၂-၂၀၂၃ တွင် ၈၉၃.၁၉၁ (MT)နှင့် ၂၀၂၃-၂၀၂၄တွင် ၉၉၇.၈၂၈ (MT)မှ ၁၁.၇၁ ရာခိုင်နှုန်းမြင့်တက်ခဲ့သည်။
Source : indiatimes
DOCA(ရန်ကုန်)