၂၀၂၄ ခုနှစ်၊ သြဂုတ်လ၊ ၂၀ ရက်နေ့၊နေ့လယ် (၁၄း၀၀) နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးသည် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ “အွန်လိုင်းမှ စျေးဝယ်ခြင်းနှင့် ပတ်သက်သော အသိပညာပေး Talk Show” ဆွေးနွေးပွဲ ကျင်းပပြုလုပ်ခဲ့ကြောင်း သိရှိရပါသည်။
အဆိုပါ ဆွေးနွေးပွဲတွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးမှ ဦးစီးအရာရှိ ဒေါ်အေးအေးလွင်မှ Online မှ ကုန်စည်နှင့်ဝန်ဆောင်မှုများအား ဝယ်ယူသုံးစွဲရာတွင် နစ်နာဆုံးရှုံးမှုများမှာ အများအပြားတွေ့ကြုံလာကြသဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် Online မှ စျေးဝယ်ယူရာတွင် သတိပြုသင့်သည့် အချက် ၁၂ ချက်၊ အွန်လိုင်းမှဝယ်ယူရာတွင် စားသုံးသူပြည်သူများ နစ်နာဆုံးရှုံးမှုများနှင့် ကြုံတွေ့ ရပါက စားသုံးသူရေးရာဦးစီးဌာနသို့ တိုင်ကြားနိုင်ပါကြောင်း၊ အခြားကုန်စည်နှင့်ဝန်ဆောင်မှုများအား သုံးစွဲရာတွင် နစ်နာဆုံးရှုံးမှု တစ်စုံတစ်ရာ ရှိလာပါကလည်း တိုင်ကြားနိုင်ပါကြောင်းနှင့် တိုင်ကြားမှုများအား စားသုံးသူရေးရာဦးစီးဌာန ရုံးချုပ်နှင့် တိုင်းဒေသကြီး/ပြည်နယ်ဦးစီးမှူးရုံးများ၊ Consumer call center 1535၊ www.doca.gov.mm တွင်လည်း တိုင်ကြားနိုင်ပါကြောင်း ရှင်းလင်း အသိပညာပေးခဲ့ပါသည်။
DOCA(တနင်္သာရီ)