၂၃.၈.၂၀၂၄ ရက်နေ့ မုရောင်းအမှိုက်ကျင်း၊ မော်လမြိုင်မြို့နယ်တွင် ဆေးကုမ္ပဏီမှ တင်ပြလာသော ပျက်စီးရက်လွန်နေသော ဆေးဝါးများနှင့်ဆေးပစ္စည်းများ၊ ဈေးကွက် ကွင်းဆင်းစစ်ဆေးခြင်းမှ သိမ်းဆည်းခဲ့သော တရားမဝင်ဆေးဝါးများနှင့် ဆေးဆိုင်မှ အပ်နှံလာသည့် သက်တမ်းလွန်ဆေးဝါးများကို မွန်ပြည်နယ် အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီ၏ ကြီးကြပ်မှုဖြင့် ဖျက်ဆီးသည့်အခမ်းအနားသို့ မော်လမြိုင်မြို့နယ်တာဝန်ခံမှ တက်ရောက်ခဲ့ပါသည်။
ထိုသို့ ဖျက်ဆီးခဲ့သည့်ဆေးဝါးများမှာ ကုမ္ပဏီမှအပ်နှံသည့် ပျက်ဆီး၊ ရက်လွန်နေသော ဆေးဝါးများနှင့် ဆေးပစ္စည်း (၆၇) မျိုး၊ သက်တမ်းလွန်ဆေးဝါး (၁၉) မျိုး၊ မော်လမြိုင်မြို့ရှိ ဈေးကွက်အတွင်း ဆေးဆိုင်များကွင်းဆင်းစစ်ဆေးခြင်းမှသိမ်းဆည်းခဲ့သည့် တရားမဝင်ဆေး (၃) မျိုး၊ ဆေးဆိုင်မှ အပ်နှံသော သက်တမ်းလွန်ဆေးဝါး (၂၇) မျိုးတို့ဖြစ်ကြောင်းနှင့် စုစုပေါင်း (၁၂၈,၅၁၄,၂၃၈) ကျပ် တန်ဖိုးရှိသော ဆေးဝါးများဖြစ်ကြောင်း သိရသည်။
ထိုသို့ တရားမဝင်ဆေးဝါးများ၊ သက်တမ်းလွန် ဆေးဝါးနှင့်ဆေးပစ္စည်းများ ဖျက်ဆီးသည့်အခမ်းအနားသို့ ပြည်နယ်၊ မော်လမြိုင်ခရိုင်နှင့် မြို့နယ်မှသက်ဆိုင်ရာဌာနများမှ တာဝန်ရှိသူများတက်ရောက်ခဲ့ကြကြောင်း သိရသည်။
DOCA(မွန်)