ကမ္ဘောဒီးယားနိုင်ငံနှင့်ဥရုဂွေးနိုင်ငံတို့သည် နှစ်နိုင်ငံအကြားစိုက်ပျိုးမွေးမြူရေးကဏ္ဍတွင် အထူးသဖြင့် သုတေသနနှင့်ဖွံ့ဖြိုးတိုးတက်ရေးတို့တွင် ပူးပေါင်းဆောင်ရွက်ရန် ဆွေးနွေးခဲ့ကြကြောင်း သိရပါသည်။ ဆွေးနွေးမှုကို ကမ္ဘောဒီးယားနိုင်ငံ စိုက်ပျိုးမွေးမြူရေး၊ သစ်တောနှင့် ငါး လုပ်ငန်းဝန်ကြီးဖြစ်သူ Dith Tina နှင့် ကမ္ဘောဒီးယားနိုင်ငံဆိုင်ရာ ဥရုဂွေးသံအမတ်ကြီး Valeria Csukasi Cabrera တို့က ဖနွမ်းပင်မြို့ရှိ ဝန်ကြီးရုံးတွင် ၂၁-၈-၂၀၂၄ ရက်နေ့က ပြုလုပ်ခဲ့ခြင်းဖြစ်ကြောင်း သိရပါသည်။ Tina က ကမ္ဘောဒီးယားနိုင်ငံ၏ စိုက်ပျိုးမွေးမြူရေးနှင့်ဆက်စပ်သည့် မူဝါဒကို အကျဉ်းချုပ်ပြောကြားခဲ့ပြီး ကမ္ဘောဒီးယားစိုက်ပျိုးမွေးမြူရေးထုတ်ကုန်များ နိုင်ငံတကာဈေး ကွက်သို့ တင်ပို့မှုကို အရှိန်မြှင့်တင်ရန် ရင်းနှီးမြှုပ်နှံသူအားလုံးကို တံခါးဖွင့်ထားကြောင်း ထပ်မံ အတည်ပြုပြောကြားခဲ့သည်ဟု သိရပါသည်။ ဝန်ကြီးသည် အရည်အသွေးကောင်းမွန်ပြီး အကျိုး အမြတ်ရှိသည့် သစ်သီးနှင့်ငါးလုပ်ငန်း အစရှိသည့် များစွာသောကမ္ဘောဒီးယားထုတ်ကုန်များကို ထုတ်ဖော်ပြောကြားခဲ့ပြီး စိုက်ပျိုးမွေးမြူရေးစီးပွားရေးလုပ်ငန်းကို အဓိကအာရုံစိုက်ရန် တိုက်တွန်းပြောကြားခဲ့ကြောင်း သိရပါသည်။ ထို့ပြင် Tina သည် သုတေသနနှင့်ဖွံ့ဖြိုးတိုးတက်မှု၏ အရေးပါပုံ ကို အရေးစိုက်ပြောကြားခဲ့ပြီး စိုက်ပျိုးမွေးမြူရေးဖွံ့ဖြိုးတိုးတက်ရန် နည်းပညာနှင့်အတွေ့အကြုံ မျှဝေမှုတို့တွင် နှစ်နိုင်ငံပူးပေါင်းဆောင်ရွက်ပြီး အကျိုးအမြတ်ရရှိမှုနှင့် စီးပွားရေးအကျိုးများမှုကို မြှင့်တင်ရန် ပြောကြားခဲ့ကြောင်း သိရပါသည်။
Source: Khmer Times
DOCA(ရန်ကုန်)