ကရင်ပြည်နယ်၊ စားသုံးသူရေးရာဦးစီးဌာန၊ မြဝတီခရိုင်ဦးစီးမှူးရုံးမှ ခရိုင်ဦးစီးမှူး ဦးနိုင်မိုးကိုနှင့် ခရိုင်ဝန်ထမ်းများသည် ၂၅.၃.၂၀၂၂ ရက်နေ့ (၀၉း၀၀)နာရီအချိန်တွင် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ (FDA)၏ ဖိတ်ကြားချက်အရ ခရိုင်စည်ပင်သာယာရေးအဖွဲ့ရုံးတွင် မြဝတီဌာနဆိုင်ရာ ပူးပေါင်းစစ်ဆေးရေးအဖွဲ့ဖြစ်သော မြန်မာနိုင်ငံရဲတပ်ဖွဲ့၊ ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ စည်ပင်သာယာရေးအဖွဲ့(ဈေး)အဖွဲ့များတွေ့ဆုံပြီး မြဝတီမြို့ပေါ်ရှိ လက်လီဆိုင်ကြီးများတွင် ရောင်းချနေသော Similac Product များ ဈေးကွက်ထောက်လှမ်းစစ်ဆေးရန်၊ တွေ့ရှိပါက ဈေးကွက်မှ တစ်ခါတည်းဖယ်ရှားရန် မြဝတီမြို့လက်လီဆိုင်များတွင် ရောင်းချမှု ရှိ/ မရှိကို ကွင်းဆင်းစစ်ဆေး ခဲ့ကြပါသည်။
ဆက်လက်၍ မြဝတီခရိုင် ပူးပေါင်းစစ်ဆေးရေးအဖွဲ့သည် ကမ္ဘာကျန်းမာရေးအဖွဲ့နှင့် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ (FDA)၏ တို့၏ ညွှန်ကြားချက်စာများ ဖြစ်သော အောက်ပါအချက်များကို ပါဝင်သောကုန်စည်များကို ရှာဖွေစစ်ဆေးခဲ့ကြပါသည်-
(က) Code နံပါတ်(၇) လုံးမှ(၉)လုံးတွင် ပထမဂဏာန်းမှာ(၂၂-၃၇)အတွင်း၊
( ခ ) Code နံပါတ်တွင်ပါဝင်သော စာသားများတွင် K8၊ SH (သို့) Z2 ပါရှိပြီး၊
( ဂ ) သက်တမ်းကုန်ဆုံးရက်စွဲသည် (၁.၄.၂၀၂၂)ရက်နေ့ (သို့) ဧပြီလ(၁)ရက်နေ့ စသည့် အ ချက်များပါသော Similac Productများ ဈေးကွက်အတွင်း ရောင်းချနေမှု ရှိမရှိကို ပဏာမ ဈေးကွက်ထောက်လှမ်းစစ်ဆေးခဲ့ကြပါသည်။
မြဝတီမြို့ပေါ်ရှိ လက်လီဆိုင်ကြီးများတွင် ကွင်းဆင်းစစ်ဆေးခဲ့ရာ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ (FDA)၏ ထုတ်ပြန်ထားသောအချက်များနှင့် ကိုက်ညီသော ကုန်ပစ္စည်းများ မတွေ့ရှိခဲ့ပါကြောင်းနှင့် မြဝတီမြို့ပေါ်ရှိ စစ်ဆေးသည့်ဆိုင်များတွင် FDAမှ ဈေးကွက် ထောက်လှမ်းစစ်ဆေးရာတွင် ပါဝင်သောအချက်များအကြောင်းကို စီးပွားရေးလက်လီဆိုင်ရှင်များအား ရှင်းလင်းဆွေးနွေးပြီး ဧပြီ(၁)ရက်နေ့မှစ၍ သက်တမ်းလွန်မည့် ဈေးကွက်အတွင်း ရောင်းချရန် ကျန်ရှိမည့် ကုန်စည်များကို သက်တမ်းမလွန်ခင်အချိန်တွင် သက်ဆိုင်ရာကုမ္ပဏီနှင့် ချိတ်ဆက်၍ ပူးပေါင်းဆောင်ရွက်ဖြေရှင်းမှုများလုပ်ဆောင်ကြရန် ထပ်မံ၍ ပူးပေါင်းအဖွဲ့ဖြင့် ကွင်းဆင်းစစ်ဆေးချိန်၌ သက်တမ်းလွန်ကုန်စည်းများ တွေ့ရှိပါက သိမ်းဆည်းမည်ဖြစ်ကြောင်းနှင့် မြဝတီမြို့ပေါ်ရှိ လက်လီဆိုင်(၁၀)ဆိုင်အား ပညာပေးပြောကြားပြီး စားသုံးသူများအတွက် ထိခိုက်နစ်နစ်မှုမရှိစေရန် ဌာနဆိုင်ရာတို့၏ လမ်းညွှန်ချက်၊ ထုတ်ပြန်ချက်များကို ပူးပေါင်းလိုက်နာကြရန်နှင့် စားသုံးသူရေးရာဦးစီးဌာန၏ ဥပဒေများအကြောင်းအား ရှင်းလင်း ပြောကြားပြီး လက်ကမ်းစာစောင်များ ဖြန့်ဝေခဲ့ကြောင်း လေ့လာသိရှိရပါသည်။
DOCA(ကရင်)