စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၌ စားအုန်းဆီအရောင်းကိုယ်စားလှယ်များ၊ လက်လီ/လက်ကားဖြန့်ဖြူးရောင်းချသည့် လုပ်ငန်းရှင်များနှင့် လုပ်ငန်းညှိနှိုင်း အစည်းအဝေးကျင်းပ

    ၂၉.၈.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၌ “စားအုန်းဆီအရောင်းကိုယ်စားလှယ်များ၊ လက်လီ/လက်ကား ဖြန့်ဖြူးရောင်းချသည့် လုပ်ငန်းရှင်များနှင့် လုပ်ငန်းညှိနှိုင်းအစည်းအဝေး” ကျင်းပပြုလုပ်ခဲ့ရာ မွန်ပြည်နယ်အတွင်း စားအုန်းဆီလက်လီ/လက်ကားဖြန့်ဖြူးရောင်းချသူများနှင့် စားသုံးသူရေးရာဦးစီးဌာနမှ ဝန်ထမ်းများအပါအဝင် စုစုပေါင်း(၇၃)ဦးတက်ရောက်ခဲ့ကြောင်း သိရှိရသည်။

  အဆိုပါ အစည်းအဝေးတွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးက အဖွင့်အမှာစကား ပြောကြားရာတွင် စားအုန်းဆီဖြန့်ဖြူးခြင်းနှင့် ပတ်သက်၍ ပြည်သူများလက်ဝယ်သို့ ဖြန့်ဖြူးရာတွင် အပတ်စဉ်ရည်ညွှန်းဈေးနှုန်းနှင့်အညီ ဖြန့်ဖြူးပေးရန်၊ မြို့နယ်အလိုက် လူဦးရေနှင့်အညီ အချိုးကျခွဲဝေပေးရန်၊ လက်လီ/လက်ကားများမှ မြို့နယ်အလိုက် အဆင့်ဆင့်ပြန့်ပြန့်နှံ့နှံ့ ပြည့်ပြည့်ဝဝဖြစ်အောင်ဖြန့်ဖြူးပေးရန်၊ စားအုန်းဆီများသိုလှောင်ထားရှိခြင်း၊ အကန့်အသတ် ဖြင့်ရောင်းချခြင်း၊ ဈေးနှုန်းမြှင့်တင်ရောင်းချခြင်းနှင့် မသမာသည့်လုပ်ဆောင်မှုများ ပြုလုပ်ခြင်း မရှိစေရေး ဆွေးနွေးခဲ့ပါသည်။

  ထို့နောက် ဆီအရောင်းကိုယ်စားလှယ်နှင့် လက်လီ/လက်ကားကုန်သည်များမှ တစ်ဦးချင်းအလိုက် ပြန်လည်ဆွေးနွေးတင်ပြကြပြီး အစည်းအဝေးအား နေ့လယ် (၁၂:၀၀) နာရီတွင် ရုပ်သိမ်းခဲ့ကြောင်း သိရှိရပါသည်။

DOCA(မွန်)