၂၀၂၄ ခုနှစ်၊ စက်တင်ဘာလ၊ ၅ ရက်နေ့၊ နံနက်(၁၀း၃၀) အချိန်မှ (၁၁း၃၀) အချိန်ထိ တိုင်းဒေသကြီး စားသုံးသူရေးရာဦးစီးဌာနမှ ဦးစီးအရာရှိ ဒေါ်အေးအေးလွင် ဦးဆောင်၍ ဗဟိုစာရင်းအင်းအဖွဲ့မှ ဦးစီးအရာရှိ ဒေါ်သီတာ၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုဦးစီးမှူး ဦးဟိန်းထက်အောင် ၊ စစစ မှ စုံစမ်းရေးမှူး ဦးအောင်ချိုမြင့် နှင့် မြို့နယ် စည်/ပင်မှ ဒုဦးစီးမှူး ဦးရဲကျော်စွာတို့ပါဝင်သော ပူးပေါင်းစစ်ဆေးရေး အဖွဲ့သည် ထားဝယ်မြို့၊ ပိန္နဲတောရပ်ကွက်၊ ဆေးရုံလမ်းရှိ ဆောင်းဆေးဆိုင် အပါအဝင် ဆေးဆိုင် ၅ ဆိုင်တို့အား သတ်မှတ်ထုတ်ပြန်ထားသည့် စည်းကမ်းချက်များနှင့်အညီ လိုက်နာဆောင်ရွက်ခြင်း၊ ဆေးဝါးများအပေါ် စျေးနှုန်းမြှင့်တင်ရောင်းချခြင်း ၊ ဆေးဝါးများနှင့် ဆေးပစ္စည်းများ ပြတ်လပ်မှုအခြေအနေများ၊ ဆေးဝါးရောင်းချခွင့်လိုင်စင် ပြုလုပ်ထားခြင်း၊ သက်တမ်းလွန် ဆေးဝါးများ ရောင်းချနေခြင်း၊ ဆေးဝါးများအား အန္တရာယ်မဖြစ်စေရန် သိုလှောင်ထားရှိမှုများ ဆောင် ရွက်ထားခြင်း ရှိ/မရှိ စစ်ဆေးဆောင်ရွက်ခဲ့ပါသည်။
ဆက်လက်၍ နေ့လယ်(၁၁း၃၀) အချိန်မှ (၁၂း၃၀) အချိန်ထိ အဆိုပါ ပူးပေါင်းစစ်ဆေးရေးအဖွဲ့သည် ထားဝယ်မြို့၊ သင်္ဘောဆိပ်ရပ်ကွက်၊ အာဇာနည်လမ်းရှိ ဦးကျော်ထက်ဝင်း၏ '' ရွှေနဒီ '' ဆန်အရောင်းဆိုင် အပါအဝင် ဆန်အရောင်းဆိုင် ၅ ဆိုင်တို့အား သတ်မှတ်ထုတ်ပြန်ထားသည့် စည်းကမ်းချက်များနှင့်အညီ လိုက်နာဆောင်ရွက်ခြင်း၊ဆန်များအပေါ် စျေးနှုန်းမြှင့်တင်ရောင်းချခြင်းနှင့် ပစ္စည်းများ ပြတ်လပ်မှု ရှိ/မရှိ အခြေအနေများ ၊ ဆန်အိတ်များ စနစ်တကျ သိုလှောင်ထားရှိမှုများ ဆောင်ရွက်ထားခြင်းနှင့် အရည်အသွေးပြည့်မီခြင်း ရှိ/မရှိ စသည့် ရောင်းချခြင်းများအား မြေပြင်ကွင်းဆင်း စစ်ဆေးခဲ့ကြောင်း သိရှိရပါသည်။
အဆိုပါ သတ်မှတ်ထုတ်ပြန်ထားသော စည်းကမ်းချက်များနှင့် အညီရောင်းချဆောင်ခြင်း မရှိပါက အရေးယူ ဆောင်ရွက်သွားမည်ဖြစ်ကြောင်း၊ ယင်းသို့ ကွင်းဆင်းစစ်ဆေးဆောင်ရွက်ခဲ့ရာ အဆိုပါ ဆေးဆိုင်များနှင့် ဆန်အရောင်းဆိုင်များအနေဖြင့် သတ်မှတ်ချက်များနှင့် အညီရောင်းချ လျက်ရှိပြီး ထူးခြားမူတစ်စုံတစ်ရာ မရှိကြောင်း သတင်းရရှိပါသည်။
DOCA(တနင်္သာရီ)