ဗီယက်နမ်နိုင်ငံသည် အမေရိကန်သို့ အဖြူ‌ရောင်ငါး(Tra Fish) ဒုတိယအကြီးမားဆုံးတင်ပို့သူဖြစ်လာ

    ၂၀၂၄ ခုနှစ်၏ ပထမနှစ်ဝက်တွင် ဗီယက်နမ်သည် အမေရိကန်နိုင်ငံသို့ အဖြူရောင်ငါး (Tra Fish) ဒုတိယအကြီးမားဆုံးတင်ပို့သူဖြစ်လာကြောင်း သိရပါသည်။ နိုင်ငံတကာကုန်သွယ်ရေး စင်တာထံမှ အချက်အလက်များအား ဗီယက်နမ်ပင်လယ်စာတင်ပို့သူများနှင့် ထုတ်လုပ်သူများအသင်း (VASEP)၏ ကိုးကားပြောကြားချက်အရ အမေရိကန်သို့ ဗီယက်နမ် Tra Fish တင်ပို့မှုသည် အမေရိကန်ဒေါ်လာ ၁၈၄ သန်းထိ ရောက်ရှိခဲ့ပြီး စုစုပေါင်းတင်ပို့မှု၏ ၂၁ ရာခိုင်နှုန်းရှိကြောင်း သိရှိရပါသည်။ ဇူလိုင်လ(၁)လတည်း တင်ပို့မှုတန်ဖိုးမှာ အမေရိကန်ဒေါ်လာ ၃၁ သန်း တန်ဖိုးရှိပြီး လွန်ခဲ့သည့်နှစ် တူညီသည့်ကာလထက် ၆၉ ရာခိုင်နှုန်း မြင့်တက်ခဲ့ကြောင်း သိရပါသည်။ အမေရိကန်သည် လတ်တလောတွင် တရုတ်ပြည်မကြီးနှင့် ဟောင်ကောင်၏နောက်တွင် ဗီယက်နမ် Tra Fish ၏ ဒုတိယအကြီးမားဆုံးတင်ပို့ရာဈေးကွက်ဖြစ်ကြောင်း သိရပါသည်။ အမေရိကန်သို့တင်ပို့သည့် ဗီယက်နမ် Tra Fish ထုတ်ကုန်များတွင် အေးခဲထားသော ငါးအသားလွှာများ၊ တန်ဖိုးမြင့် Tra Fish ထုတ်ကုန်များ၊ Tra Fish ခြောက်များနှင့် အခြားအေးခဲထား‌သောထုတ်ကုန်များ ပါဝင်ကြောင်း သိရပါသည်။ VASEP ၏ အဆိုအရ ၂၀၂၃ ခုနှစ်တွင် Tra Fish ဈေးကွက်မှာ  သိသာထင်ရှားစွာ ကျဆင်းခဲ့သော်လည်း ယခုနှစ်အစမှစ၍ ဗီယက်နမ်မှ အမေရိကန်သို့ အဆိုပါငါးတင်ပို့မှုမှာ ပြန်လည်နာလန်ထူလာခဲ့ကြောင်း သိရပါသည်။ ထို့ပြင် ပွဲတော်များနှင့် နှစ်ကုန်အားလပ်ရက်များအတွက် ပြင်ဆင်မှုများကလည်း စားသုံးသူများ၏ ဝယ်လိုအားကို မြင့်တက်စေခဲ့ကြောင်း သိရပါသည်။ ထို့ကြောင့် ယခုနှစ်၏ နောက်ဆုံးလများတွင် အမေရိကန်မှ Tra Fish ငါးတင်ပို့ရန် မှာယူမှုများ ဆက်လက်မြင့်တက်မည်ဟု ခန့်မှန်းရကြောင်း သိရပါသည်။ ၂၀၂၄ ခုနှစ်၏ ပထမ(၇)လတွင် ဗီယက်နမ်နိုင်ငံ၏ Tra Fish ငါးတင်ပို့မှုတန်ဖိုးမှာ အမေရိကန်ဒေါ်လာ ၁.၁ ဘီလီယံရှိခဲ့ပြီး လွန်ခဲ့သည့်နှစ် တူညီသည့်ကာလထက် ၄ ရာခိုင်နှုန်းလျော့ကျခဲ့ကြောင်း သိရပါသည်။ Comprehensive and Progressive Agreement for Trans-Pacific Partnership (CPTPP)၏ ဈေးကွက်မှာ အမေရိကန်ဒေါ်လာ ၁၅၅ သန်းဖြင့် တတိယအကြီးမားဆုံးဈေးကွက်ဖြစ်ပြီး ဥရောပသမဂ္ဂမှာ အမေရိကန်ဒေါ်လာ ၉၉ သန်းဖြင့် စတုတ္ထအကြီးဆုံးဈေးကွက်ဖြစ်ကြောင်း သိရှိရပါပါသည်။

 DOCA(ရန်ကုန်)