မကွေးတိုင်းဒေသကြီး၊ မကွေးမြို့ ကုန်သည်များနှင့် စက်မှုလက်မှုလုပ်ငန်းရှင်များအသင်း (မကွေးကုန်စည်ဒိုင်)တွင် စလင်း၊ ဆင်ဖြူကျွန်း၊ သစ်ရာကောက်၊ နတ်မောက်၊ မိကျောင်းရဲ၊ လျှောင်းတော်ဦး၊ ကံသစ်၊ ရွာဟောင်းကန်တို့မှ ထွက်ရှိသော ပဲနှင့် နှမ်းမျိုးစုံတို့ အများဆုံးဝင်ရောက် ရောင်းဝယ်ဖောက်ကားလျက်ရှိကြောင်း သိရသည်။
၂၀၂၄ခုနှစ်၊ စက်တင်ဘာလ(ပထမပတ်)တွင် နှမ်းဖြူ(၁၅)ပိဿာ(၁)တင်းလျှင် ကျပ်(၁၄၃၀၀၀)၊ နှမ်းနီ ကျပ်(၁၂၅၀၀၀)၊ နှမ်းနက်စမုန် ကျပ်(၂၂၀၀၀၀)၊ နှမ်းညို ကျပ်(၁၁၅၀၀၀)ဖြင့် အရောင်းအဝယ်ဖြစ်လျက်ရှိပြီး ယခင်တစ်ပတ်ထက် နှမ်းဖြူ ကျပ်(၃၀၀၀)၊ နှမ်းနီ ကျပ်(၁၀၀၀၀)၊ နှမ်းညို ကျပ်(၁၅၀၀၀) ဈေးနှုန်းကျဆင်းခဲ့ပါသည်။ တစ်ပတ်အတွင်း နှမ်းဖြူ အိတ်ရေ(၁၄၀၀၀)၊ နှမ်းနီ အိတ်ရေ(၄၀၀၀)၊ နှမ်းနက်စမုန် အိတ်ရေ(၃၀၀၀)၊ နှမ်းညို အိတ်ရေ(၂၀၀၀)ခန့် အရောင်းအဝယ်ဖြစ်ခဲ့ပါသည်။ မကွေးကုန်စည်ဒိုင်တွင် နှမ်းမှာ အရောင်းအဝယ်အများဆုံးဖြစ်နေပြီး မန္တလေးမြို့မှ အများဆုံးဝယ်ယူလျက်ရှိကြောင်း သိရသည်။
ပဲမျိုးစုံအနေဖြင့် ကုလားပဲ(929) (၁၉)ပိဿာ(၁)တင်းလျှင် ကျပ်(၉၆၀၀၀)၊ ကုလားပဲ(HL) ကျပ်(၉၅၀၀၀)၊ ပဲကြီးဖြူ(လတ်) ကျပ်(၈၀၀၀၀)၊ ပဲကြီးဖြူ (သေး) ကျပ်(၇၈၀၀၀)၊ ပဲကြီးဖြူ(ပြားကြီး) ကျပ်(၈၅၀၀၀)၊ ပဲစဉ်းငုံနီ(၂၀)ပိဿာ(၁)တင်းလျှင် ကျပ်(၁၆၀၀၀၀)၊ မတ်ပဲ ကျပ်(၁၃၀၀၀၀)၊ စားတော်ပဲ ကျပ်(၁၄၀၀၀၀)၊ မြေပဲလုံးဆံနီ(၁)ပိဿာလျှင် ကျပ်(၈၄၀၀-၈၈၀၀)၊ လုံးဆံဖြူ ကျပ် (၈၅၀၀-၈၇၀၀)၊ မြေပဲဆံ(အောက်ကျ) ကျပ်(၆၅၀၀-၆၈၀၀)တို့ဖြင့် အရောင်းအဝယ် ဖြစ်လျက်ရှိ ကြောင်း၊ ယခင်တစ်ပတ်ထက် ကုလားပဲ(HL)ကျပ်(၃၀၀၀)ဈေးကျခဲ့ပြီး မတ်ပဲ ကျပ်(၅၀၀၀)၊ စားတော်ပဲ ကျပ်(၁၂၅၀၀)ဈေးတက်ခဲ့ကြောင်း၊ ကျန်ပဲဈေးနှုန်းများ ဈေးနှုန်းတည်ငြိမ်လျက်ရှိကြောင်း သိရသည်။ တစ်ပတ်အတွင်း ကုလားပဲ(929) (HL) အိတ်ရေ(၂၀၀၀)၊ ပဲကြီးဖြူ အိတ်ရေ(၄၀၀)၊ မတ်ပဲ အိတ်ရေ(၄၀၀)၊ စားတော်ပဲ အိတ်ရေ(၄၀၀)၊ ပဲစဉ်းငုံ အိတ်ရေ(၁၀၀)၊ မြေပဲလုံးဆံ အိတ်ရေ (၄၀၀၀)ခန့် အရောင်းအဝယ်ဖြစ်ခဲ့ပြီး ရန်ကုန်မြို့သို့ ကုလားပဲ၊ ပဲကြီးနှင့် မြေပဲအများဆုံး တင်ပို့လျက်ရှိကြောင်း သိရှိရပါသည်။
DOCA(မကွေး)