နတ်ဆေးပင် (ခေါ်) ရှားစောင်းလက်ပပ်အပင်ကို ကျမတို့ စစ်ကိုင်းဒေသကြီးအတွင်းရှိ ရပ်ကွက်နှင့် ကျေးရွာများ၊ နေအိမ်များတွင် အများအပြား စိုက်ပျိုးလာကြသည်ကို တွေ့ရှိ ရပါတယ်၊ ရှားစောင်း လက်ပတ်အပင်သည် မြေကြီးအစိုဓာတ်အသင့်အတင့်ရရှိရုံဖြင့် စိုက်ပျိုးနိုင်ပြီး နေ့စဉ်လုပ် အားခမကုန်၊ ရင်းနှီးစရိတ်မကုန်ဘဲ ဝင်ငွေရရှိနိုင်တဲ့ အပင်လည်း ဖြစ်ပါတယ်။ အိမ်တိုင်းအိမ်တိုင်းမှာ စိုက်ထား သင့်တဲ့ အပင်ဖြစ်ပြီး နတ်ဆေးပင်(ခေါ်) ရှားစောင်းလက်ပတ် အစွမ်း အံ့မခန်းပုံကို တွေ့ရှိရမှာ ဖြစ်ပါတယ်။
ရှားစောင်းလက်ပတ်စိုက်ပျိုးသင့်တဲ့မြေမျိုး
ရှားစောင်းလက်ပတ်အပင်ရဲ့ ကျန်းမာရေးအတွက် အသုံးဝင်ပုံတွေကိုတော့ တော်တော် များများက သိရှိကြမှာဖြစ်ပါတယ်၊၊ ဒါကြောင့်မို့ ရှားစောင်းလက်ပပ်အပင်ကို စိုက်ပျိုးနဲ့နေရာမှာ ဆောင်ရန် ရှောင်ရန် အချက်လေးတွေကို ပြောပြချင်ပါတယ်၊ ရှားစောင်းလက်ပပ်အပင်ကို အဓိကအားဖြင့် ပြုစုပျိုး ထောင်တဲ့အခါမှာ နေရောင်ခြည်လုံ လုံလောက်လောက်ရရှိ ရပါမယ်၊ ရေလောင်းတဲ့အခါ အကြိမ်ရေကို လျော့လောင်း ရပါမယ်၊ ရှားစောင်းလက်ပပ် စိုက်ပျိုးသင့်တဲ့ အမျိုးအစားကတော့ လေဝင်လေထွက် ကောင်းစေတဲ့ မြေအမျိုးအစား၊ ရေစီးဆင်းမှုလွယ်စေပြီး ရေဓာတ်သို မှီးထားနိုင်တဲ့ မြေမျိုးဖြစ် ရပါမယ်၊ အိမ်မှာ အိုးနဲ့စိုက်မယ်ဆိုင်ရင်တော့ ဈေးကွက်မှာ အလွယ်တကူဝယ်ယူနိုင်တဲ့ အဆင်သင့် မြေတွေကို မြေဆွေးတွေနဲ့ရောမွှေ၍ စိုက်ပျိုးလည်းရ ပါတယ်၊ရှားစောင်းလက်ပပ်အပင်ကို မြေနီ၊ မြေကျစ်၊ မြေပွ များတွင် အစိုဓာတ်အသင့်အတင့်ရရှိရုံနှင့် စိုက်ပျိုးနိုင်ပါတယ်၊ စိုက်ပျိုးမယ်ဆိုရင် မြေထဲမှာ သဲကြမ်းနည်းနည်း၊ သစ်ရွက်ဆွေးနည်းနည်း၊ မီးသွေးမှုန့်နည်းနည်း၊ ဖြည့်စွက်ရောနှော စိုက်ပျိုးလည်းရပါတယ်၊ သစ်ရွက်ဆွေးမြေထဲမှာ ဇီဝမြေသြဇာတွေ အများအပြားပါဝင်နေတဲ့အတွက် အကောင်းစား မြေမျိုးဖြစ်သွားမှာဖြစ်ပါတယ်၊ ရှားစောင်း လက်ပပ်အပင်က အက်ဆစ်အချည် ဓာတ်နဲပါးပြီး အယ်လ်ကာလီများတဲ့ မြေမျိုးကို နှစ်သက်ကြောင်းသိရှိရပါတယ်။
ရှားစောင်းလက်ပတ်အပင်စိုက်ပျိုးနည်းများ
ရှားစောင်းလက်ပတ်အပင်ကို ပန်းအိုးထဲစိုက်တဲ့နည်းနှင့် မြေကြီးမှာ တိုက်ရိုက်စိုက် နည်းဆိုပြီး နှစ်နည်းစိုက်ပျိုးလို့ရပါတယ်၊ မိမိတို့ကြိုက်နှစ်သက်တဲ့နည်းနဲ့ စိုက်ပျိုးလို့ရပါတယ် ၊စိုက်နည်း မတူညီတဲ့ အတွက် ပေါက်ရောက်ကြီးထွားမှုမှာလဲ ကွာခြားမှုရှိ တတ်ပါတယ်။ မြေကြီးမှာချစိုက်တဲ့ ရှားစောင်းလက်ပပ်အပင်က ပန်းအိုးထဲထည့်စိုက်တဲ့ ရှားစောင်းလက်ပတ် ပင်ထက်ပိုပြီး အပေါက်မြန် ပြီး အကြီးထွားသန်မာ စေပါတယ်၊ရှားစောင်းလက်ပတ်အပင်ကို တစ်ပင်နှင့်တစ်ပင်(၅)ပေခြား စိုက်ပျိုး ရပါတယ်၊ စိုက်ပျိုးပြီး တစ်နှစ်သားအရွယ်မှာ အပင်အလက်များ သန်မာထွားကျိုင်းကာ ဖြစ်ထွန်း အောင်မြင်လာပါမှာဖြစ်ပါတယ်။
ရှားစောင်းလက်ပတ်အပင်လက်များသည် ယခုနွေဥတုမှာ အတွင်းအနှစ်က အနည်းငယ် သာရှိပြီး မိုးဥတုနှင့်ဆောင်းဥတုမှာ အတွင်းအနှစ်များသည် ဂျယ်လီကဲ့သို့ ဖောင်းနေပြီး အပင် အလက်ကို ဓားဖြင့် လှီးဖြတ်လျှင် အတွင်းအနှစ်များသည် ဂျယ်လီသဏ္ဍန် အိတွဲတွဲဖြင့် ဆေးဘက် ဝင်ပါတယ်။ ရှားစောင်းလက်ပတ်အပင်ကို အပင်ခြေရင်းတွင် ပြာအနည်းငယ်စီ ပုံပေးပါက ပိုမို၍ ဖြစ်ထွန်း လွယ်ပါတယ်၊ ရှားစောင်းလက်ပပ်စိုက်ပျိုးဖို့ အချိန်အခါကောင်းက ဆောင်းကုန်ပြီး မြူနှင်းကင်းစင်တဲ့ မတ်လတွင် အကောင်းဆုံးစိုက်ပျိုးချိန်ဖြစ်ကြောင်း သိရှိရပါတယ်။
နေရောင်ခြည်
ရှားစောင်းလက်ပပ်ဟာ နေရောင်ခြည်ကို နှစ်သက်ပြီး အရွက်ထဲမှာ အသားလေးတွေ ပြည့်ဖောင်းရတဲ့အကြောင်းရင်းက နေရောင်ခြည်လုံလောက်စွာ ရရှိလို့ဖြစ်ကြောင်းသိရှိရပါတယ်၊ ဒါပေမယ့် ပျိုးပင်အစမှာတော့ ပြင်းထန်တဲ့ နေရောင်ခြည်ဒဏ်ကို မခံနိုင်ကြောင်းလည်း သိရှိရပါတယ်။
မြေသြဇာမများစေနဲ့
ရှားစောင်းလက်ပတ်အပင်က စင်စစ်မှာတော့ မြေသြဇာမကျွေးလည်း ရှားစောင်းလက်ပတ် အပင်က ကြီးထွားမှာပါပဲ၊ ဒါပေမယ့် သင့်လျော်တဲ့ မြေသြဇာနည်းနည်း ကျွေးပေးရင်တော့ ကြီးထွားမှု့ကို မြန်ဆန်စေပါတယ်၊ မြေသြဇာအကျွေးများလွန်းပြန်လျှင်လည်း အမြစ်ပုတ်သွား တတ်ပါတယ်၊ မြေသြဇာကို သင့်ရုံလောက်သာကျွေးပါ၊ ကျမတို့ ရုံးဝန်းအတွင်းစိုက်ပျိုးထားသည့် ရှားစောင်းလက်ပတ်အပင်ကို မြေသြဇာမကျွေးပဲ ပြာအနည်းငယ်နှင့် သစ်ရွက်ဆွေးများကိုသာ ထည့် ပေးပါတယ်၊ ရုံးဝန်းအတွင်း ရှားစောင်းလက်ပတ်အပင်များဖြင့် လှပနေသည်ကိုလည်း တွေ့ရှိနိုင် ပါတယ်။
မြေကြီးမှာစိုက်ရင် လိုက်နာရမည့် အချက်များ
မြေကြီးမှာချစိုက်တဲ့ ရှားစောင်းလက်ပတ်က ပန်းအိုးထဲထည့်စိုက်တဲ့ ရှားစောင်း လက်ပတ်ထက် ပိုမိုပြီး ကြီးထွားလေ့ရှိပါတယ်၊ရှားစောင်းလက်ပပ်ကို အကောင်းဆုံးက နေရောင် ခြည်ကောင်းကောင်း ရတဲ့ အရှေ့အရပ်နဲ့ တောင်အရပ်က စိုက်ပျိုးသင့်တဲ့နေရာ ကောင်းတွေဖြစ်ပါတယ်၊ ရှားစောင်း လက်ပတ်ကို မိုးရေဝပ်တဲ့ နေရာမျိုးမှာ လုံးဝမစိုက်ပျိုးသင့်ပါဘူး၊ ဘာကြောင့်လဲဆိုတော့ ရှားစောင်းလက်ပတ်က သဲကန္တာရဒေသဇာတိအပင်မျိုးဖြစ်လေတော့ ရေများတာကိုမကြိုက်ပါဘူး၊ မိုးရွာပင်ရွာသော်လည်း ရေမြန်မြန်စီးပြီး ရေတင်မကျန် ရေမဝပ်ဖို့ သိပ်ကိုအရေးကြီးပါတယ်။
အသစ်ပြန်စိုက်ပြီးတဲ့နောက် တစ်လ ရေမလောင်းပါနဲ့
တခြားအပင်တွေကို အပင်ပြောင်းရွှေ့စိုက်ပျိုးတာပဲဖြစ်ဖြစ်၊ အသစ်စိုက်ပျိုးတာ ပဲဖြစ် ဖြစ်၊ရေကို လုံလုံလောက်လောက်လောင်းရစမြဲပါ၊ ဒါပေမယ့် ရှားစောင်းလက်ပတ်ကတော့ တခြား အပင်တွေနဲ့မတူဘဲ အသစ်ကို ပြန်စိုက်ပြီးတဲ့နောက်တစ်လလုံး ရေလောင်းကို မလောင်းရပါဘူး၊ တစ်လပြည့်ပြီးနောက်မှ ရေအဝလောင်းရပါတယ်၊ အဲဒီအချက်ကို စိုက်ပျိုးမည့် သူများအနေနဲ့ အထူးဂရုပြုရမယ့်အချက်ဖြစ်ပါတယ်၊ဆောင်းကာလကုန်လွန်တာနဲ့ နွေပေါက်ပြီဆိုရင် ရှားစောင်း လက်ပတ်အပင်ကို အသစ်ပြန်စိုက်လို့ရပါပီ၊ အသစ်ပြန်စိုက်ပြီး နှစ်လကြာပြီးရင်တော့ ပဲဖတ် (သို့)နှမ်းဖတ်ကို တစ်ကော်၊နှစ်ကော်(သို့)ကြက်ချေးခြောက်များကို မြေသြဇာအဖြစ် ကျွေးပေးရပါ တယ်၊ ဆောင်းတွင်းမှာတော့ ဘာမြေသြဇာမှ ကျွေးဖို့မလိုပါဘူး။
သားတက်ခွဲစိုက်နည်း
သားတက်ခွဲစိုက်နည်းကတော့ မိခင်ပင်မကြီးရဲ့အမြစ်ကို မထိခိုက်စေဘဲ မိခင် ပင်မကြီး ရဲ့ဘေးကပေါက်နေတဲ့သားတက်ကို အမြစ်ပါနုတ်ယူပြီး အဲဒီသားတက်ကို အမြစ်ပါ စိုက်တဲ့ နည်းပဲဖြစ်ပါတယ်၊ ပထမဆုံးသားတက်ကို နုတ်ယူပါ လေဝင်လေထွက်ကောင်းပြီး နေရိပ်ရတဲ့ နေရာမှာ ရက်သတ္တတစ်ပတ်လောက် အခြောက်ခံထားပါ၊ သေသေချာချာခြောက်ပြီဆိုတော့မှ မြေထဲကိုထည့်စိုက်ပါ၊ ချက်ချင်းရေမလောင်းပါနဲ့၊ အမြစ်တွေအသေအချာခိုင်မာလာမှ ရေလောင်းပါ ၊ မကြာခင် အပင်သစ်က အမြစ်ထွက်လာပါမယ်၊ အပင်သစ်ရဲ့ အရွက်ကနည်းနည်း အဝါရောင် သန်းလာပေမယ့် တစ်ခုခုဖြစ်သွားပီလို့ မထင်လိုက်ပါနဲ့၊အမြစ်တဖြည်း ဖြည်းရှည် ထွက်လာရင် အရွက်လဲ ပိုပြီး သန်လာပါလိမ့်မယ်၊ အရွက်ရဲ့ အရောင်ကလဲ အစိမ့်ရင့်ရောင် ပြောင်းလဲ လာတဲ့အခါမှ ရေလောင်းရမှာဖြစ်ပါတယ်။ကျမတို့ ရွာတွေမှာတော့ မြေပြင်ကိုသာ အများအပြားစိုက်ပျိုးကြပြီး ပန်းအိုးနဲ့ စိုက်ပျိုးကြတာနည်းပါတယ်၊ မြို့ကြီးများမှာတော့ ရှားစောင်း လက်ပတ်ကို ပန်းအိုးနဲ့ အလှပင် အဖြစ်၊ ဆေးလိုဝလိုအဖြစ် စိုက်ပျိုးထားရှိကြတာ ကိုလည်း တွေ့ရှိရ ပါတယ် ၊ယခုကို ဗစ်ကာလ အတွင်းမှာ မြို့ကြီးတွေမှာ ရှားစောင်းလက်ပတ်အပင်ကို ပန်းအိုးနဲ့ စိုက်ပျိုးလာကြ သည် ကိုလည်း တွေ့ရှိရပါတယ်၊ ရှားစောင်းလက်ပတ်အပင်ကို ပန်းအိုးနဲ့ စိုက်ပျိုးပြီး တစ်အိုး လျှင်၂၀၀၀မှ ၅၀၀၀ အထိ အစားစားဈေးရှိသည်ကို သိရှိရပါတယ်။
ရှားစောင်းလက်ပပ်အစွမ်းအံ့မခန်း
နတ်ဆေးပင်ကဲ့သို့ အဖက်ဖက်မှာ အသုံးဝင်တဲ့ဆေးဖက်ဝင် ရှားစောင်းလက်ပတ်အပင်ကို အစိမ်းစားမလား၊ လိမ်းမလား၊ မျက်နှာပေါင်းတင်မလား၊ အဖက်ဖက်က အသုံးပြုလို့ရပြီး ဘယ်လို ဘဲသုံးသုံးဘေး ထွက်ဆိုး ကျိုးမရှိတဲ့အတွက် ရောဂါလည်းပျောက်ပြီး လူတိုင်းအတွက် သုံးသင့်တဲ့ ဆေးဖက်ဝင်အပင် လည်းဖြစ်ပါတယ်။
ရှားစောင်းလက်ပတ်အပင်ဟာ ဘယ်လောက်တောင် ဆွေးအစွမ်းထက်တယ်ဆိုတာ လက်တွေ့ သုံးစွဲဖူးသူများ၊ ကိုယ်တိုင်သုံးစွဲခဲ့ခြင်းကြောင့်လည်း သိရှိရခြင်းဖြစ်ပါတယ်၊ ၊ဘယ်ရောဂါ အတွက် စားရင်သက်သာ သလဲဆိုတော့ လိပ်ခေါင်းရောဂါဖြစ်နေသူများ ဝမ်းသွားရင် သွေးပါသူများ က ရှားစောင်းလက်ပပ် အစိမ်းကို မီးဖုတ်ပြီး အတိုင်းဝါးစားလိုက်ပါ၊နှစ်ကြိမ်လောက်စားလိုက်ရင် ပျောက်ကင်းသွား တယ်လို့ဆိုပါတယ်၊နောက်ပြီး သွေးတိုးရောဂါရှိသူများက ရှားစောင်းလက်ပတ်ကို အထဲက အသားအနှစ် ကလေးများ ခြစ်ယူ၍ သကြားနည်းနည်းထည့်ပြီး သံပုရာသီးတစ်ခြမ်း လောက် ညှစ်ထည့်လိုက်ပြီးတော့ မွှေလိုက်ရေခဲ့ထည့်ပြီးပါက ၅ မိနစ်အတွင်း သွေးပေါင်ချိန်က Normal ပြန်ဖြစ် သွားတယ်လို့ဆိုပါတယ်၊ အရေးကြီးတဲ့အချက်ကတော့ ဘယ်ရွေ့ဘယ်မျှ သုံးစွဲသင့် တယ်ဆိုတာပါပဲ၊ ကျမတို့မိဘပြည်သူတွေအနေနဲ့ စားသုံးမယ်ဆိုရင် စစချင်း တစ်ခါတည်း အများကြီး မစားသုံး သင့်ပါဘူး၊ နည်းနည်းချင်း ကနေ စတင်စားသုံးသင့်ပါတယ်၊ ရှားစောင်းလက်ပတ်သည် အလွန်ပင် အစွမ်းထက် တာမို့ ယခု စာရေးသူ ကျမကိုယ်တိုင် ဓာတ်ချုပ်နေလို့ စားသုံးသူရေးရာ ဦးစီးဌာနရုံးဝန်းထဲတွင် စိုက်ပျိုးထားသည့် ရှားစောင်းလက်ပတ်အပင်မှ အလက်များကို လှီးဖြတ်၍ အထဲမှ အနှစ်ကလေးများကို အစိမ်းစားလိုက်တာ မနက်အိပ်ယာထ ဝမ်းသွားရပါဝယ်၊ မနက်အိပ်ယာ ထမှာပဲ စားစား၊ ညအိပ်ယာဝင်ခါနီးနီးမှာပဲစားစား အဆင်ပြေပါတယ်၊နောက်တစ်ချက်အနေနဲ့က အစာအိမ်သမားများ၊အစာအိမ်ရောင်တဲ့သူများ၊ ငရုတ်သီးအစားများတဲ့သူများ ဝမ်းပူတာပဲဖြစ်ဖြစ်၊ ရှားစောင်းလက်ပတ်စားလိုက်လျှင် ဝမ်းထဲမှာအေးသွားပြီး ပုံမှန်စားပေးပါက တဖြည်းဖြည်း သက်သာပျောက်ကင်းသွားမှာဖြစ်ပါတယ်၊ ဝမ်းကိုက်၊ ဝမ်းလျှော၊ မိမိလျှော့စားသင့်ပါတယ်၊ လျှို့ဝှက် ချက်ကတော့ မိမိခန္ဓာကိုယ်ရဲ့ အခြေအနေအရ သင့်တော်တဲ့နှုန်းဖြင့် လိုတိုးပိုလျှော့ လုပ်တတ်ဖို့ စားတတ်ဖို့ပါပဲ၊ တစ်ယောက်နဲ့တစ်ယောက်က ခန္ဓာကိုယ်မတူညီပါဘူး၊ ရောဂါအခြေ အနေ လည်း မတူညီပါဘူး၊အဲဒီတော့ အကျိုးသက်ရောက်မှုကလည်း အများကြီး ကွာခြား သွားနိုင်ပါတယ်။ကျမတို့ မိန်းကလေးတွေအတွက် ရှားစောင်းလက်ပတ်ကို အစိမ်းစားစား၊ ယိုထိုးပဲစားစား၊ အုန်းတစ်လုံး ဆေးချက်ပဲစားစား၊ ရှားစောင်းလက်ပတ်ထဲမှ အနှစ်ကို ဇွန်းလေးနဲ့ခြစ်ပြီး သကြားလေး နဲ့နေပူလှမ်းပဲ စားစား၊ ထန်းဖိုထန်း လျက်နဲ့ပဲစားစား အလွန်ပင်ကောင်းပါတယ်၊ သွေးသားမှန်ကန်ပြီး ကျန်းမာဝဖြိုး အလှတိုး လာကြမှာဖြစ်ပါတယ်။
တစ်ကြိမ်မှာ ဘယ်လောက်သုံးသင့်သလဲ........ဘယ်လိုအသုံးပြုကြသလဲ
ရှားစောင်းလက်ပပ်ကို ယခုအခါ လူအများအပြားအသုံးပြုလာကြတာကို တွေ့ရှိရပါတယ်၊ ရှားစောင်းလက်ပပ်ကို စားသောက်ကုန်များ၊ လူသုံးကုန်များကို ဥပဒေနှင့် အညီ ထုတ်လုပ်လာကြတာ အများကြီးပါပဲ၊ ရှားစောင်းလက်ပပ်နဲ့ပြုလုပ်ထားတဲ့ စားသောက်ကုန်အနေနဲ့ ရှားစောင်းလက်ပပ် သကြားလုံး၊ လက်ဖက်ခြောက်၊ ရှားစားလက်ပပ်အမှုန့်၊ ရှားစောင်းလက်ပပ်လျက်ဆား၊ ရှားစောင်း လက်ပပ်ယို၊ ရှားစောင်းလက်ပပ်ခေါက်ဆွဲ၊ အုန်းတစ်လုံးဆေး၊ ရှားစောင်းလက်ပပ် အချိုရည်စတဲ့ ပစ္စည်းတွေကို ဈေးကွက်ထဲစုံနေအောင် ဝယ်လို့ရနေပြီဖြစ်ပါတယ်။
တခြားလူသုံးကုန် အလှကုန် ပစ္စည်းအနေနဲ့ ရှားစောင်းလက်ပပ်ခေါင်းလျှော်ရည်၊ ရှားစောင်း လက်ပပ် ဆံပင်သန်ဆေး၊ အလှဆီ၊ ကိုယ်တိုက်ဆပ်ပြာ၊ ရှားစောင်းလက်ပပ်မျက်နှာသစ်၊ မျက်နှာ ပေါင်းတင်ဆေး၊ ဆံပင်လိမ်းသည့်ဂျယ်၊ စနိုး၊ မိတ်ကပ်၊ ကိုယ်လိမ်းပေါင်ဒါ၊ လိုးရှင်း၊တိုနာ စတဲ့ နေ့စဉ်သုံးပစ္စည်းအလှကုန်တွေမျိုးစုံကိုလည်း ထုတ်လုပ်ထားတာတွ့ရှိရ ပါတယ်၊ မိဘပြည် သူများအနေနဲ့ ရှားစောင်း လက်ပပ်နဲ့ပြုလုပ်ထားတဲ့ Ready made တွေကို အသုံးမပြုချင် သူများအတွက် ရှားစောင်းလက်ပတ်ကို အိမ်တွင်စိုက်ပျိုးထားပြီး လိုအပ်သလို အသုံးပြုလို့ရပါတယ် ၊ ဘယ်လိုအသုံးပြုရမလဲ.....အရေးကြီးတဲ့အချက်က ဘယ်ရွှေ့ဘယ်မျှ သုံးစွဲသင့်သလဲ.....ဆိုတာပါပဲ၊ စားသုံးမယ်ဆိုရင် စစချင်း တစ်ခါတည်း အများကြီးမစားသင့်ပါဘူး၊ နည်းနည်းချင်းကနေ စပြီးစား သင့်ပါတယ်၊ ရောဂါကြောင့် ဝမ်းပူတာပဲဖြစ်ဖြစ်၊ အပူအစမ်စားလို့ပဲဖြစ်ဖြစ် ရှားစောင်း လက်ပပ်စား လိုက်လျှင် ဝမ်းအေးသွားပါတယ်၊ အစာအိမ်ရောင်လို့ စားလျှင် သက်သာစေပါတယ်။
ကျမတို့တောမှာဆိုင်ရင် ဘယ်သူခြံပဲသွားခူးခူးရတယ်၊ မြို့မှာတော့ ရှားစောင်း လက်ပတ်အပင်က ရှားတဲ့အတွက် ဝယ်ယူရပါတယ်၊ရှားစောင်းလက်ပတ်ပို မှီဝဲချင်တယ်ဆိုရင်တော့ တစ်နေ့တာ ၄စင်တီမီတာမှ ၅ စင်တီမီတာထိစားသင့်ပါတယ်၊ အဲဒီထက် ပိုမစားသင့်ပါဘူး၊ ရောဂါကို အမြန်ပျောက် ကင်းချင်တဲ့စိတ်နဲ့ လောဘကြီးပြီးတစ်ကြိမ်တည်း များများစားသောက်တာကို ရှောင်ကြဉ်ပါ၊ မိဘပြည်သူများ အနေနဲ့ ဘယ်ဆေး ဝါးပဲသုံးသုံး “တန်ဆေး လွန်ဘေး” ဆိုတဲ့ စကား အတိုင်း တော်ယုံ သင့်ရုံပဲသောက်ရတယ်၊ လွန်ရင်းဘေးဖြစ်တတ်ပါတယ်။
တစ်ဖက်တစ်လမ်းကဝင်ငွေးတိုး
ကျမတို့စီမှာ ယခင်နှစ်များထက် ယခုနှစ်တွေမှာ တစ်ပိုင်တစ်နိုင် ပိုမိုစိုက်ပျိုး လာကြပါတယ်၊ ဈေးကွက်ကလည်း ယခင်နှစ်ထက် ဈေးကြွလာပါတယ်၊ စိုက်ပျိုးသူအနေနဲ့ ရှားစောင်းလက်ပတ်ကို အပင်လိုက်လည်းရောင်းချတယ်၊ အလှပန်းအိုးနဲ့ လည်းရောင်းချတယ်၊ စီးပွားရေးလုပ်ငန်းရှင်များ၊ တိုင်းရင်းဆေးဆရာများ၊ ၊ ယိုထိုးပြီးရောင်းချသူများ၊ ကုန်ကြမ်းအဆင့်မှ ကုန်ချောအဆင့်သို့ အလှကုန်၊ စားသောက်ကုန်၊လူသုံးကုန် ထုတ်လုပ် ရောင်းချသည့် လုပ်ငန်းရှင်များက ရှားစောင်း လက်ပတ်အပင်ကို ဝယ်ယူရာ ယခုနှစ်တွင် အလျားပေ ၄၀ မှ ၆၀ ဝန်းကျင်ရှိ စိုက်ခင်း တစ်ခုကို ကျပ် ၈၀၀၀ ဝန်းကျင်ပေါက်ဈေးရှိပြီး အနိမ့်ဆုံးစိုက်ခင်းတစ်ခုကို အပင်ကိုကြည့်ပြီး ကျပ် ၃၀၀၀၀ ခွဲမှ ၄၀၀၀၀ ကျပ် ပေးဝယ်ကြောင်း၊ ယခင်နှစ်က အလျားပေ ၄၀ မှ ၆၀ ဝန်းကျင်ရှိ စိုက်ခင်းတစ်ခုကို ကျပ် (၅၀၀၀)၊ အနိမ့်ဆုံးစိုက်ခင်းတစ်ခုကို ကျပ်(၁၅၀၀၀)မှ(၂၀၀၀၀) ဖြင့်ရောင်းချရပါ ကြောင်းသိရှိ ရပါတယ်၊ ဧကအလိုက် မဟုတ်ပဲ ပေနဲ့သာရောင်းချရပါကြောင်း၊ ယခင်နှစ်နှင့် ယခုနှစ် နှိုင်းယှဉ်ပါက အတော်လေးဈေးကြွလာကြောင်း သိရှိရပါတယ်၊ အဲဒီလို ဈေးကြွလာတဲ့အတွက် ဖွံ့ဖြိုးတိုး တက်နေ သော ခေတ်တွင် များသောအားဖြင့် ခြံဝန်းများကို အလဟဿ မထားပဲ တစ်ဖက် တစ်လမ်းက မိသားစု ဝင်ငွေရဖို့ ရှားစောင်းလက်ပတ်အပင်ကို ဘက်ပေါင်းစုံးအသုံးပြုလို့ရ တဲ့အတွက် ဆားလင်း ကြီးမြို့နယ် ၊ ပိုင်းတောင်ကြီးကျေးရွာတွင် ပိုမိုစိုက်ပျိုးလာကြပါတယ်။
ရှားစောင်းလက်ပတ်ကို စိုက်ပြီး အသုံးပြုလိုကြတဲ့ သူများကအပင်မှ အလက်များကို ဓားဖြင့် လှီးဖြတ်၍ တစ်ထပ်ခြင်းအစီအရီထပ်ထည့်ပြီး ရှားစောင်းလက်ပတ် အတွင်းသားအနှစ်ကို အသာအဟာ ခြစ်ယူကာ အနှစ်ကိုပိဿာဖြင့် ရောင်းချရသလို အပင်လိုက်၊ အခင်းလိုက် ပုတ်ပြတ်လည်း ရောင်းချ ရပါသည်။ အခင်းလိုက်ပုတ်ပြတ်ဝယ်ယူသည့် ပွဲစားများက ကုန်ကြမ်းမှ ကုန်ချောသို့ တန်ဖိုး မြှင့်ထုတ်ကုန်ထုတ်လုပ်သူများထံ တဆင့်ရောင်းချပြီး မိမိတို့ လိုသလောက် လာလာပြီးသာ လူငှား များဖြင့် လှီးဖြတ် တာကို တွေ့ရှိရပါတယ်။
ရှားစောင်းလက်ပပ်ကို Value added ပြုလုပ်၍ စားသုံးနိုင်သည့်နည်းလမ်းများ
ကုန်ကြမ်းမှ ကုန်ချောထုတ်လုပ်တဲ့ လုပ်ငန်းရှင်များသည် ရှားစောင်းလက်ပတ်ကို ရှားစောင်းလက်ပပ်ယို၊ အုန်းတစ်လုံးဆေး၊ ဆီးဆေး၊ ဝမ်းမှန်ဆေး၊ ပန်းနာရင်ကြပ်သမားများ၊ အစာအိမ်နာခြင်း အောင့်ခြင်းများအတွက် အထူးသက်သာပျောက်ကင်းစေတဲ့ဆေး၊ ဆီးပူခြင်း၊ အပူကန်ခြင်း အတွက်လည်း တကယ်စေးစွမ်းကောင်းတစ်လက်ဖြစ်သလို ကျန်းမာရေးနှင့် ကိုက်ညီ သည့် လူသုံးကုန်၊ အလှကုန်၊ စားသောက်ကုန်များစသည့် Value added များ အမျိုးမျိုးပြုလုပ်၍ ထုတ်လုပ်လာကြပါတယ်၊ ရှားစောင်းလက်ပတ်ကို သဘာဝပစ္စည်းများဖြစ်သော ပျားရည်တို့ဖြင့် ကျိုချက်စားသုံးပါက အမျိုးသမီးများအတွက် အသားအရေလှပကာ ကျန်းမာဝဖြိုး အလှတိုးစေ ပါဖြစ်ပါတယ်၊ ရှားစောင်းလက်ပတ်အပင်ကို စိုက်ပျိုးခြင်းဖြင့် လူတို့ရဲ့ကျန်းမာရေး၊ စားသောက် ရေးသုံးစွဲဖို့ရေး ထုတ်လုပ်တာဖြစ်တဲ့အတွက် “ ကုသိုလ်လည်းရ ဝမ်းလည်းဝ ဆေးဘက်လည်းဝင် ဈေးကွက်ဝင် ” နေသော ရှားစောင်းလက်ပတ်အပင်သည့် အရင်းအနှီးမလိုဘဲ တစ်ဖက်တစ်လမ်းက မိသားစုဝင်ငွေရရှိပြီး ချွေတာခြင်းအစ မီးဖိုချောင်က ဆိုလိုသလို မီးဖိုချောင် အသုံးစရိတ်ရရှိနှင့် ယခုဆိုရင် Covid-19 ကာလအတွင်း ရှားစောင်းလက်ပပ်အပင်ကို လူတော်တော် များများက ဆေးဖြစ်ဝါးဖြစ် အသုံးပြုလာကြသည်ကို တွေ့ရှိရပါတယ်၊ ရှားစောင်းလက်ပတ်အပင်က အောက်ဆီ ဂျက်ဓာတ်ကို အပေးနိုင်ဆုံး အပင်လို့သုံးသပ်ကြပါတယ်၊ ရှားစောင်းလက်ပတ်အပင်သည် တစ်နှစ်ထက်တစ်နှစ် ဈေးကြွလာပြီး နောင်များတွင် ရှားစောင်းလက်ပတ်အလက်ထဲမှ အဖြူရောင် အနှစ် ဂျယ်လီလေးများသည် “ အနှစ်ကလေးကလည်းလှ ဈေးလေးကလည်းကြွ” လာနိုင်ပါကြောင်း ရေးသားတင်ပြလိုက်ရပါသည်။