မကွေးတိုင်းဒေသကြီး၊ မကွေးခရိုင်အတွင်းရှိ ကျေးရွာများတွင် နှမ်း၊ ဆီထွက်သီးနှံနှင့် ပဲမျိုးစုံတို့ကို အဓိကထား စိုက်ပျိုးလျက်ရှိကြသည်။ ယခုနှစ်တွင် မကွေးခရိုင်အတွင်း၌ ဩဂုတ်လကုန်တွင် မိုးမြေပဲကို စတင်ရိတ်သိမ်းလျက်ရှိကြောင်း၊ ရိတ်သိမ်းရာတွင် မြေပဲပင်နှုတ်၊ မြေပဲတောင့်ခြွေ ခြင်းများ ပြုလုပ်ရသည့်အတွက် တစ်ရက်လုပ်သားတစ်ဦးလျှင် မြေပဲနှုတ်ခ ကျပ်(၁၂၀၀၀)နှင့် မြေပဲတောင်ခြွေခ တစ်တင်းလျှင် ကျပ်(၃၀၀၀) ပေးရကြောင်း၊ မြေပဲပေါ်ချိန်တွင် လုပ်သားများအနေဖြင့် နေ့စဉ်ဝင်ငွေရရှိ၍ အဆင်ပြေလျက်ရှိကြောင်း သိရသည်။
ဈေးနှုန်းအနေဖြင့် ၂၀၂၄ ခုနှစ်၊ စက်တင်ဘာလ(ဒုတိယပတ်)တွင် မြေပဲတောင့် တစ်တင်းလျှင် ကျပ်(၁၅၀၀၀-၂၀၀၀၀) ဈေးနှုန်းများဖြင့် အရောင်းအဝယ်ဖြစ်လျက်ရှိပြီး မကွေးမြို့ပေါ်ရှိ ပွဲရုံများသို့ တင်ပို့ရောင်းချပြီး ထိုမှတဆင့် ဒေသတွင်းရှိ ဆီစက်လုပ်ငန်းရှင်များနှင့် မြေပဲကို တန်ဖိုးမြှင့်ထုတ်ကုန် (Value Added) ပြုလုပ်၍ ပြန်လည်ရောင်းချသည့် လုပ်ငန်းရှင်များမှလည်းကောင်း ဝယ်ယူကြကြောင်း၊ ဈေးနှုန်းမှာ ယခင်နှစ်ကထက် ဈေးကောင်းရရှိသောကြောင့် တောင်သူများအနေဖြင့် အကျိုးအမြတ်များ ရရှိကြောင်း သိရှိရပါသည်။
DOCA(မကွေး)