၁၂.၉.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံး ဒုတိယပြည်နယ်ဦးစီးမှူး ဦးဆောင်၍ မော်လမြိုင်ခရိုင်ဦးစီးမှူးနှင့် ဝန်ထမ်းများသည် မုဒုံမြို့နယ်တာဝန်ခံတို့ ပူပေါင်း၍ မုဒုံမြို့နယ် ဝက်တဲကျေးရွာနှင့် ညောင်ကုန်းကျေးရွာသို့ သွားရောက်ပြီး စားသုံးသူကာကွယ်ရေး အသိပညာပေး ဟောပြောဆွေးနွေးပွဲအား ကျင်းပခဲ့ပါသည်။
အဆိုပါဟောပြောဆွေးနွေးပွဲကို နံနက် (၁၀း၀၀) နာရီအချိန် ဝက်တဲကျေးရွာ၊ နေ့လယ် (၁၂း၃၀)အချိန် ညောင်ကုန်းကျေးရွာတို့တွင် စတင်ကျင်းပခဲ့ပြီး ရှေးဦးစွာ သက်ဆိုင်ရာကျေးရွာ အုပ်ချုပ်ရေးမှူးများမှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန ဒုတိယ ပြည်နယ်ဦးစီးမှူးမှ ဦးစီးဌာန၏ ရည်မှန်းချက်၊ မျှော်မှန်းချက်များ၊ စားသုံးသူအခွင့်အရေးနှင့် တာဝန်များ၊ Online ရောင်းချခြင်းဆိုင်ရာအသိပညာပေး သိကောင်းစရာများ၊ မော်လမြိုင် ခရိုင်ဦးစီးမှူးမှ ကုန်စည်နှင့်ဝန်ဆောင်မှုများအား ဝယ်ယူသုံးစွဲရာတွင် သတိပြုရမည့်အချက်များ၊ ကုန်ညွှန်းအမှတ်အသားနှင့်ပတ်သက်သည့် ဥပဒေပါပြဌာန်းချက်များ၊ စားသုံးသူနစ်နာဆုံးရှုံးမှု ဖြစ်ပေါ်ပါက တိုင်ကြားနိုင်သည့် နည်းလမ်းများအား အကျယ်တဝင့်ဟောပြောဆွေးနွေးခဲ့ပြီး သက်ဆိုင်ရာကျေးရွာအုပ်ချုပ်ရေးမှူးများသို့ လက်ကမ်းစာစောင်များ ပေးအပ်ခဲ့ပြီး ဟောပြောပွဲသို့ ကျေးရွာနေပြည်သူ (၂၃၉)ဦး တက်ရောက်ခဲ့ကြောင်း သိရှိရသည်။
DOCA(မွန်)