မကွေးတိုင်းဒေသကြီး၊ မကွေးခရိုင်ဦးစီးမှူးရုံးမှ မြို့နယ်တာဝန်ခံနှင့် ဝန်ထမ်းများသည် (၁၃.၉.၂၀၂၄)ရက်နေ့၊ နံနက် (၀၉:၀၀)နာရီတွင် မကွေးမြို့နယ်၊ နွားကူးကျေးရွာရှိ “ရွှေမိုးဦး” ပဲကြော်လုပ်ငန်းနှင့် အောင်မေတ္တာ(B)(၁၇)လမ်းရှိ “ရှမ်းကြီး” အားလူးကြော်လုပ်ငန်းများသို့ သွားရောက်တွေ့ဆုံမေးမြန်းခဲ့ကြောင်း သိရသည်။
“ရွှေမိုးဦး” အမှတ်တံဆိပ် ပဲကြော်လုပ်ငန်းတွင် လုပ်သား ကျား(၃)ဦး၊ မ (၁၄)ဦး၊ စုစုပေါင်း (၁၇)ဦး ရှိပြီး လုပ်သားခ (၁)ရက်လျှင် ကျား (၁)ဦး ကျပ်(၁၂၀၀၀)၊ မ(၁)ဦး ကျပ်(၉၀၀၀) ပေးချေရပြီး တစ်ရက်လျှင် ကုန်ကြမ်းပဲကြီး (၃၀)ပိဿာဝင် (၇)အိတ်ကျော်ကုန်ကျကြောင်း၊ ထွက်ရှိသော ကုန်ချောပဲကြော်များအား မကွေး၊ မင်းဘူးမြို့နယ်များသို့ ဖြန့်ချိရောင်းချလျက်ရှိကြောင်း သိရသည်။
“ရှမ်းကြီး” အမှတ်တံဆိပ် အာလူးကြော်လုပ်ငန်းတွင် လုပ်သား ကျား(၂)ဦး၊ မ (၂)ဦးနှင့် မိသားစုလုပ်အားဖြင့် လုပ်ကိုင်နေပြီး လုပ်သားခ တစ်ရက်လျှင် ကျား(၁)ဦး ကျပ်(၉၀၀၀)နှင့် မ(၁)ဦး ကျပ်(၇၀၀၀) ပေးချေရပြီး တစ်ရက်လျှင် ကုန်ကြမ်းအာလူးကြော် (၆၀-၇၀)ပိဿာခန့် ကုန်ကျကြောင်း၊ ထွက်ရှိသော ကုန်ချောအာလူးကြော်များအား (၁)ထုပ်လျှင် ကျပ်(၇၀၀)၊ ကျပ်(၁၁၀၀)တို့ဖြင့် မကွေး၊ တောင်တွင်းကြီး၊ နတ်မောက်၊ မြို့သစ်မြို့များသို့ ဖြန့်ဖြူးရောင်းချလျက်ရှိပြီး လုပ်ငန်းအတွက်အဓိကလိုအပ်သော လုပ်ငန်းသုံးဆီ (စားအုန်းဆီ)များအား စားသုံးသူရေးရာဦးစီးဌာနမှ ကူညီချိတ်ဆက် ဆောင်ရွက်ပေးမှုကြောင့် လုပ်ငန်းများ အစဉ်မပြတ် လုပ်ကိုင်နေရ၍ လုပ်ငန်းတွင် မှီခိုလုပ်ကိုင်နေရသော လုပ်သားများအတွက် စားဝတ်နေရေးပါ အဆင်ပြေလျက်ရှိကြောင်း သိရှိရပါသည်။
DOCA(မကွေး)