ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်အတွင်းရှိ တောထဲနှင့် တောင်ပေါ်ဒေသများတွင် ဒေသခံကျေးလက်နေသူများက မျှစ်များချိုးယူ၍ ရွှေတောင်မြို့ရှိ ဈေးများသို့ လာရောက် ရောင်းချကြပါသည်။ ဝါဆို၊ ဝါခေါင်၊ တော်သလင်းလများတွင် မျှစ်များလှိုင်လှိုင်ပေါ်လျက်ရှိပြီး ပေါ်ခါစတွင် တစ်ပိဿာကို (၈၀၀)ကျပ်ဖြင့် ရောင်းချခဲ့ပါသည်။ ယခုအချိန်ဖြစ်သော တော်သလင်းလတွင် မျှစ်များထွက်ရှိမှုနည်းသွားသဖြင့် စက်တင်ဘာလတတိယအပတ်တွင် ဒိုင်သွင်းဈေး တစ်ပိဿာလျှင် ၁၂၀၀ကျပ်ဈေး၊ ထိုမှတစ်ဆင့် မျှစ်ဒိုင်များနှင့် ရွှေတောင်မြို့မဈေးနှင့် နယ်လှည့် ရောင်းချသော ဈေးသည်များအား ဖောက်သည်ဈေး တစ်ပိဿာလျှင် (၁၈၀၀)ကျပ်၊ လက်လီဈေးမှာ တစ်ပိဿာလျှင် ၂၀၀၀ကျပ်ဖြင့် ရောင်းချကြောင်း သိရပါသည်။ မျှစ်ဒိုင်များမှ လက်လီ/ လက်ကား ရောင်းချပြီး ပိုသည့်မျှစ်များကို မျှစ်ချဉ်အဖြစ်စိမ်ပြီး ရောင်းချလျက်ရှိကြောင်း သိရပါသည်။
DOCA(ပဲခူး)