မီးသွေးကို မြန်မာနိုင်ငံအထက်ပိုင်းဖြစ်သည့် ကောလင်း၊ ကသာ၊ ဝန်းသို စသည့်မြို့များတွင်လည်း မီးသွေးထွက်ရှိကြောင်း၊ ရွှေဘိုမြို့နယ်ရှိ (၁၃)မိုင်ကျေးရွာတွင်လည်း မီးသွေးလည်း ထွက်ရှိကြောင်း၊ ခင်ဦးမြို့နယ်ရှိ ရွာများဖြစ်သော ကုန်းကြီးကျေးရွာ၊ ဝက်သဲကျေးရွာ၊ တမာကျေးရွာ၊ သမင်ကျကျေးရွာ၊ ရုံးပင်ရွာ စသည့်ရွာများတွင်လည်း မီးသွေးထွက်ရှိကြောင်း၊ ယခုရောင်းချသည့် မီးသွေးမှာ ရုံးပင်ရွာမှထွက်ရှိကြောင်း၊ ရုံးပင်မီးသွေးသည် ပြာမကျခြင်း၊ မီးသွေးမပေါက်ခြင်း၊ မီးသွေးသားမာ၍ ရုံးပင်မီးသွေးကို အသုံးများကြောင်းသိရှိရပါသည်။
ရုံးပင်ရွာမှ မီးသွေးကို ကားဖြင့် အိမ်အရောက် လာရောက်၍ပို့ကြောင်း၊ သယ်ယူစရိတ်မြင့်မားခြင်းနှင့် ကုန်ဈေးနှုန်းတက်ခြင်းကြောင့် ယခုနှစ်တွင် မီးသွေးဈေးနှုန်းမြင့်တက်ကြောင်း (၁)တင်းခွဲဝင် မီးသွေး (၁) အိတ်လျှင် (၁၀၀၀ဝိ/-)ကျပ်ဖြင့်ဝယ်ရပြီး (၁၁၀၀ဝိ/-)ကျပ်ဖြင့်ပြန်ရောင်းရကြောင်း၊ မီးသွေးပေါသည့်ပေါ်မူတည်၍ မီးသွေးအိတ်(၁)လုံးလျှင် (၅၀ဝိ/-)ကျပ်မှ (၁၀၀ဝိ/-) ကျပ်သာအမြတ်ယူ၍ ရောင်းချကြောင်း၊ ယခုအချိန်တွင် ကုန်ဈေးနှုန်းမြင့်မားခြင်းကြောင့် အမြတ်များများမယူဘဲ ရောင်းချချကြောင်းသိရှိရပါသည်။
မီးသွေးရောင်းချရာတွင် (၁)တင်းခွဲဝင်အိတ်ဖြင့်သော်လည်းကောင်း၊ မီးသွေးကို အခဲ၊ အလတ်ကွဲဟူ၍ ရောင်းချကြောင်း၊ မီးသွေး (၁)တင်းခွဲဝင်အိတ်လျှင် (၁)ပြည်ဝင်အိတ်ဖြင့်ထုပ်၍ ရောင်းချရာ (၂၄)ထုပ်ရကြောင်း၊ မီးသွေးအခဲ(၁)ပြည်ဝင်အိတ် (၁)ထုပ်လျှင် (၅၀ဝိ/-)ကျပ်၊ မီးသွေး အလတ်ကွဲ(၁)ပြည်ဝင်အိတ် (၁)ထုပ်လျှင် (၃၀ဝိ/-) ကျပ်ဖြင့်ရောင်းချကြောင်းသိရှိရပါသည်။
DOCA(စစ်ကိုင်း)