ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ်ရှိ တာဝန်ခံ ဦးမြင့်ဌေးနှင့် ဝန်ထမ်းများသည် (၁၉.၉.၂၀၂၄)ရက်နေ့၊ နံနက်(၁၀:၃၀)နာရီအချိန်တွင် လပွတ္တာမြို့နယ်ရှိ ငါးလုပ်ငန်းအသင်း ဥက္ကဌဦးညွန့်ရွှေနှင့် အမှတ်(၄)ရပ်ကွက် ကုန်သည်လမ်းအောင်ထိုက်သူ ငါး၊ ပုစွန်ဒိုင်တွင် တွေ့ဆုံ၍ ငါးလုပ်ငန်းအခြေအနေအားဆွေးနွေးခဲ့ပါသည်။
ထိုသို့ဆွေးနွေးဆောင်ရွက်ရာတွင် လပွတ္တာမြို့နယ်တာဝန်ခံမှ အသင်းအနေဖြင့် လပွတ္တာမြို့နယ်၏ ကုန်သွယ်ရေးကဏ္ဍဖွံ့ဖြိုးတိုးတက်စေရန်အတွက် မြို့နယ်အတွင်းရှိ အနယ်နယ်အရပ်ရပ်မှ လာရောက်ရောင်းချသောငါးများကို လပွတ္တာမြို့ပေါ်ရှိ၍ငါးဒိုင်များ၊ အရွယ်အစား အမျိုးအစားအလိုက် သင့်တင့်မျှသော ဈေးနှုန်းတို့ဖြင့်ဝယ်ယူစေရေး၊ ငါးများကို ရန်ကုန်မြို့သို့အချိန်မီ တင်ပို့နိုင်ရေးအတွက် ငါးလုပ်ငန်းဦးစီးဌာနနှင့် ကားအသင်းတို့မှ ညှိနှိုင်းဆောင်ရွက်ရန် လိုအပ်ကြောင်း အသင်းရေရှည်တည်မြဲရေး၊ အသင်းရုံးတည်ဆောက်နိုင်ရေး၊ အသင်းကိုယခင်ထက်ပိုမိုတိုးတက်လာအောင်ဆောင်ရွက်ရေး၊ ငါးဖမ်းရေလုပ်သားများ၏ဘဝဖွံ့ဖြိုးတိုးတက်စေရေး အကျိုးတူပူးပေါင်းဆောင်ရွက်သွားရန် လိုအပ်ကြောင်း ဈေးနှုန်းဈေးကွက်အခြေအနေ များနှင့်ကုန်သွယ်မှုဖွံ့ဖြိုးတိုးတက်စေရန် ငါး၊ပုစွန်၊ကဏန်းလုပ်ငန်းရှင်များစုပေါင်းပြီး ကုန်စည်ဒိုင်ဖွင့်လှစ်နိုင်ရေး ဆောင်ရွက်သွားနိုင်ရန် လပွတ္တာမြို့အနေဖြင့် ရေထွက်ကုန်ပစ္စည်းများကို ရန်ကုန်သို့တင်ပို့ ရောင်းချရသည့်အတွက် ကုန်စည်ဒိုင်ဖွင့်လှစ်၍ ကူညီဆောင်ရွက်ပေးနိုင်ပါရန် အကြံပြုဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)