ကမ္ဘောဒီးယားနိုင်ငံတွင် ကုန်သွယ်ရေးပူးပေါင်းဆောင်ရွက်ရန် အခွင့်အလမ်းများရှာဖွေသည့် တိုင်းကိုယ်စားလှယ်အဖွဲ့

       ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့၊ ထိုင်းနိုင်ငံစီးပွားရေးကောင်စီနှင့် ကုမ္ပဏီ(၂၀)မှ ရင်းနှီးမြှုပ်နှံသူများပါဝင်သည့် ထိုင်းကိုယ်စားလှယ်အဖွဲ့သည် နှစ်နိုင်ငံအကြား ရှေ့ဆက်စီးပွားရေး ပူးပေါင်းဆောင်ရွက်မှုအခွင့်အလမ်းများရှာဖွေရန်နှင့် ကမ္ဘောဒီးယားနိုင်ငံ၏ ရင်းနှီးမြှုပ်နှံမှုပတ်ဝန်းကျင်ကိုလေ့လာရန်အတွက် ကမ္ဘောဒီးယားနိုင်ငံသို့ အလည်အပတ်ခရီးသွားရောက်ခဲ့ကြောင်းသိရပါသည်။ ကမ္ဘောဒီးယားနိုင်ငံ၏  ခေတ္တစီးပွားရေးနှင့်ကူးသန်းရောင်းဝယ်ရေးဝန်ကြီးဖြစ်သူ Kem Sithan က ထိုင်းကိုယ်စားလှယ်အဖွဲ့ကို ၁၇-၉-၂၀၂၄ ရက်နေ့တွင် ဝန်ကြီးရုံး၌ တွေ့ဆုံခဲ့ကြောင်းသိရပါသည်။ Sithan က နိုင်ငံတော်စီးပွားရေးကြီးထွားမှုအတွက် အင်ဂျင်အဖြစ်ယူဆရသည့် ပုဂ္ဂလိကကဏ္ဍ၊ ကုန်သွယ်မှုလွယ်ကူချောမွေ့စေမည့် စီးပွားရေးနှင့်ရင်းနှီးမြှုပ်နှံမှု ကာကွယ်ရေးမူဝါဒ၊ အခွန်မက်လုံးများနှင့် ကမ္ဘောဒီးယားတွင်စီးပွားရေးလုပ်ကိုင်ရန် လွယ်ကူမှုနှင့် စီးပွားရေးပတ်ဝန်းကျင်တိုးတက်မှု စသည့် များစွာသော အခြားအကျိုးကျေးဇူးများပါဝင်သည့် အစိုးရ၏ Pentagonal Strategy Phase 1 ကို အကျဉ်းချုပ်ပြောကြားခဲ့ကြောင်းသိရပါသည်။ ဝန်ကြီးဌာနသည်လည်း စိုက်ပျိုးမွေးမြူရေးထုတ်ကုန်များ၊ ပြုပြင်ထားသော စိုက်ပျိုးမွေးမြူရေးထုတ်ကုန်များ၊ ရေထွက်ကုန်များနှင့် စက်မှုထုတ်ကုန်များတင်ပို့မှုကို မြှင့်တင်လျက်ရှိပြီး ကမ္ဘောဒီးယားနှင့် ထိုင်းရင်းနှီးမြှုပ်နှံသူများအကြား စီးပွားရေးလုပ်ငန်းများတည်ထောင်ရန် ပူးပေါင်းဆောင်ရွက်ရေးအတွက် အဆင်သင့်ဖြစ်နေကြောင်းသိရပါသည်။ ယခုနှစ်၏ ပထမနှစ်ဝက်တွင် ကမ္ဘောဒီးယားနှင့်ထိုင်းနိုင်ငံအကြား အပြန်အလှန်ကုန်သွယ်မှုမှာ အမေရိကန်‌ဒေါ်လာ ၅.၁၉ဘီလီယံတန်ဖိုးရှိခဲ့ပြီး လွန်ခဲ့သည့်နှ၏စ် တူညီသည့်ကာလထက် ၂၀.၅၂ရာခိုင်နှုန်းမြင့်တက်ခဲ့ကြောင်းသိရပါသည်။ နှစ်နိုင်ငံစလုံးသည် ၂၀၂၅ခုနှစ်တွင် အပြန်အလှန်ကုန်သွယ်မှု အမေရိကန်ဒေါ်လာ ၁၅ဘီလီယံရရှိရန်ရည်မှန်းထားကြောင်းသိရပါသည်။

Source: Khmer Times

DOCA(ရန်ကုန်)