ပြည်ကုန်စည်ဒိုင်၏ စက်တင်ဘာလတတိယပတ်တွင် မတ်ပဲ၊ ပဲကြီး၊ ပဲတီစိမ်းဈေးများမှာ အေးလျက်ရှိပါသည်။ ပဲစင်းငုံဈေးမှာ ယခုစက်တင်ဘာလတတိယအပတ်တွင် ဈေးကျလျက်ရှိပါသည်။
ပြည်ကုန်စည်ဒိုင်၏ စက်တင်ဘာလတတိယပတ်တွင် မတ်ပဲတစ်တင်းကို (၁၂၈၅၀၀-၁၂၉၀၀၀)ကျပ်ဖြင့် တစ်ရက်လျှင် အိတ် ၂၀၀ခန့် အဝယ်ရှိပါသည်။ ပဲစင်းငုံတစ်တင်းဈေးမှာ (၁၅၁၀၀၀)ကျပ် ဈေးကျနေခဲ့ပြီး တစ်ရက်ကိုအိတ် ၂၅၀ခန့် အဝယ်ရှိပါသည်။ ပဲတီစိမ်းတစ်တင်းကို (၅၀၀၀၀-၆၀၀၀၀)ကျပ်ဖြင့် တခါတရံအိတ် ၁၅၀ခန့် အဝယ်ရှိပါသည်။
ပြည်ကုန်စည်ဒိုင်တွင် ကုလားပဲ(HL) တစ်တင်းလျှင် (၁၀၀၅၀၀-၁၀၁၀၀၀)ကျပ်၊ မြကြေးမှုံ တစ်တင်းလျှင် (၁၁၁၅၀၀)ကျပ်ဖြင့် မြို့တွင်းနှင့်ရန်ကုန်အဝယ် တစ်ရက်လျှင် အိတ်၃၀၀ခန့်ရှိပါသည်။ စက်တင်ဘာလတတိယပတ်တွင် ပဲကြီး(ရွှေကျွန်း) တစ်တင်းလျှင် ၉၀၀၀၀ကျပ်၊ ကုန်းပဲ တစ်တင်းလျှင်(၈၅၀၀၀)ကျပ်ဖြင့် ဈေးအေးနေခဲ့ပြီး မြို့တွင်းပဲကြော်သမားများနှင့် ရန်ကုန်အဝယ် တစ်ရက်လျှင် အိတ် (၂၅၀-၃၀၀)ခန့် အဝယ်ရှိပါသည်။
ပြည်ကုန်စည်ဒိုင်၏ စက်တင်ဘာတတိယပတ်တွင် ဘိုကိတ်ပဲတစ်တင်းလျှင် (၁၀၀၀၀၀)ကျပ်ဖြင့် ဈေးအေးနေခဲ့ပြီး ရန်ကုန်နှင့်မြို့တွင်း အဝယ်တစ်ရက်လျှင် အိတ် ၂၀၀ခန့် အရောင်းအဝယ် ဖြစ်ပါသည်။
ပြည်ကုန်စည်ဒိုင်၏ စက်တင်ဘာလတတိယပတ်တွင် မတ်ပဲ၊ ပဲစင်းငုံ အရောင်းအဝယ်ဖြစ်မှုမှာ ပုံမှန်သာရှိပြီး ပဲကြီး၊ ကုလားပဲ၊ ဘိုကိတ်ပဲများမှာ အရောင်းအဝယ်သွက်လျက်ရှိပါသည်။
DOCA(ပဲခူး)