မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့ ကြက်သွန်နီဈေးကွက်သို့ ဒေသတွင်းကြက်သွန်နီစိုက်ပျိုးထွက်ရှိမှုများသော ကျေးရွာများနှင့် အခြားမြို့နယ် များဖြစ်သည့် ချောက်၊ ဆင်ဖြူကျွန်း၊ စလင်းမြို့များမှထွက်ရှိသော ကြက်သွန်နီများလည်းဝင်ရောက်လျက်ရှိပြီး ၂၀၂၄ခုနှစ်၊ စက်တင်ဘာလ (တတိယပတ်)တွင် တစ်ရက်လျှင် ကြက်သွန်နီပိဿာချိန်(၅)သောင်းမှ (၁)သိန်းခန့်၊ တစ်ပတ်အတွင်း စုစုပေါင်းပိဿာချိန်(၅)သိန်းခန့် အရောင်းအဝယ်ဖြစ်နေကြောင်းသိရသည်။
ဈေးနှုန်းဈေးကွက်အနေဖြင့် စက်တင်ဘာလ(တတိယပတ်)တွင် ကြက်သွန်နီအရည်အသွေးနှင့် အရွယ်အစားကိုလိုက်၍ ကြက်သွန်နီတောဈေး(ဂျွန်) တစ်ပိဿာလျှင် ကျပ်(၁၈၂၅ - ၁၄၀၀)၊ ပွဲရုံမှ ပြန်လည်သန့်စင်ပြီး ရောင်းချရာတွင် ကြက်သွန်နီတစ်ပိဿာလျှင် ကျပ်(၂၇၀၀ - ၂၀၀၀)ဈေးဖြင့်ရောင်းချလျက်ရှပြီး ပြည်ပဝယ်လိုအားနည်း၍ ဈေးငြိမ်ပြီး အရောင်းအဝယ်ဖြစ်လျက်ရှိကြောင်း၊ ယခု (တတိယပတ်)တွင် ကုန်ဝင်ရောက်မှုများလာကြောင်းသိရသည်။
ကုန်စည်စီးဆင်းမှုအနေဖြင့် ဒေသတွင်းကြက်သွန်နီများကို ရန်ကုန် ဘုရင့်နောင်ပွဲရုံ၊ ပြည်၊ ပုသိမ်မြို့များနှင့် ပြည်ပပို့ကုန်အဖြစ် မြဝတီ၊ မော်လမြိုင်မြို့များမှတစ်ဆင့် ထိုင်း၊ ဗီယက်နမ်နိုင်ငံများသို့ တင်ပို့လျက်ရှိကြောင်း၊ တတိယပတ်အတွင်း၌ ဆိပ်ဖြူမြို့မှ အခြားမြို့များသို့ ကြက်သွန်နီကုန်ချိန်ပိဿာ (၅)သိန်း၊ တန်ချိန်အားဖြင့် (၈၁၆)တန်ခန့် ကုန်စည်စီးဆင်းခဲ့ကြောင်းသိရှိရပါသည်။
DOCA(မကွေး)