စစ်ကိုင်းတိုင်းဒေသကြီး၌ ၂၀၂၀ -၂၀၂၁ ဘဏ္ဍာနှစ်၌ ထောပတ်ပဲစိုက်ဧက(၃၈၉၂၁) ဧက၊ စွန်တာနီ/ ပြာပဲစိုက်ဧက(၂၃၁၈၈၀)စိုက်ပျိုးခဲ့ပြီး၊ ၂၀၂၁ -၂၀၂၂ ဘဏ္ဍာနှစ်၌ စွန်တာနီ(ဆောင်း)စိုက်ဧက (၉၃၂၁)၊စွန်တာပြာ(မိုး)စိုက်ဧက (၈၁၅၉၆)နှင့် စွန်တာပြာ(ဆောင်း)စိုက်ဧက (၁၄၁၄၉၃)၊စုစုပေါင်း စိုက်ဧက (၂၃၂၄၁၀)ဧက စိုက်ပျိုးနိုင်ခဲ့ပြီး၊ယခင်နှစ်နှင့် နှိုင်းယှဉ်လျှင် စိုက်ဧက(၅၃၀)ဧက ပိုမိုစိုက်ပျိုးလာနိုင်ပြီး တစ်ဧကစိုက်ပျိုးထုတ်လုပ်မှုကုန်ကျစရိတ်မှာ (၁၄၂၅၀၀)ခန့် ကုန်ကျကြောင်း၊ ပေါက်ဈေးအနေဖြင့် တစ်တင်းလျှင်(၄၁၈၀၀)ကျပ်ရရှိကြောင်း၊ တစ်ဧကပျှမ်းမျှအထွက်နှုန်းအားဖြင့် (၁၅)တင်းခန့်ထွက်ရှိပြီး တစ်ဧကဝင်ငွေအနေဖြင့် (၆၂၇၀၀၀)ကျပ်ရရှိပါသောကြောင့် တစ်ဧကအကျိုး အမြတ်အနေဖြင့် (၄၈၄၅၀၀)ကျပ်ရရှိခဲ့ကြောင်း၊ ထောပတ်ပဲစိုက်ဧကစုစုပေါင်း (၃၉၁၉၅) ဧကစိုက်ပျိုးသဖြင့်၊ ယခင်နှစ်နှင့်နှိုင်းယှဉ်လျှင် စိုက်ဧက(၂၇၄)ဧက ပိုမိုစိုက်ပျိုးခဲ့ကြောင်း တွေ့ရပါသည်။ တစ်ဧကစိုက် ပျိုးထုတ်လုပ်မှုကုန်ကျစရိတ်မှာ (၁၆၀၀၀၀)ကျပ်ခန့် ကုန်ကျပါသည်။ ပေါက်ဈေးအနေဖြင့် တစ်တင်းလျှင် (၃၉၈၀၀)ကျပ် ရရှိကြောင်း၊ တစ်ဧကပျမ်းမျှ အထွက်နှုန်းအနေဖြင့်(၁၇)တင်းခန့် ထွက်ရှိကြောင်း၊ တစ်ဧကဝင်ငွေအနေဖြင့် (၆၇၆၆၀၀)ကျပ် ရရှိသဖြင့် တစ်ဧက အကျိုးအမြတ်အနေဖြင့် ( ၅၁၆၆၀၀ ) ကျပ်ခန့် ရရှိသဖြင့် တောင်သူများအတွက် တွက်ချေကိုက်သည့် သီးနှံဖြစ်ကြောင်း၊ မုံရွာမြို့ နယ်ရှိ ကျွန်းသာယာကျေးရွာနှင့် ရှားပင်ကျွန်းကျေးရွာများရှိ တောင်သူများထံမှ သိရှိရသည်။
DOCA(စစ်ကိုင်း)