စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ်ဦးစီးမှူးရုံးနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးရုံးတို့ ပူးပေါင်းဆောင်ရွက်မှုဖြင့် (၂၅.၉.၂၀၂၄) နေ့၊နံနက် (၁၁:၀၀)နာရီ အချိန်တွင် စားသုံးသူကာကွယ်ရေးနှင့် ပတ်သက်၍ စားသုံးသူပြည်သူများ အွန်လိုင်းစနစ် မှတ်ပုံတင်ခြင်းဆိုင်ရာ အသိပညာပေး Talk Show ကျင်းပပြုလုပ်ခဲ့ပါသည်။
အသိပညာပေး ဆွေးနွေးရာတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မေးမြန်းရာ ညောင်တုန်းမြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင်က စားသုံးသူကာကွယ်ရေး ဥပဒေပြဌာန်းရခြင်း၏ ရည်ရွယ်ချက်၊ စားသုံးသူအခွင့်အရေး(၈)ချက်၊ စားသုံးသူအခွင့်အရေးနစ်နာလျှင် တိုင်ကြားနိုင်သည့် နည်းလမ်းများ၊ Consumer Call Center 1535 သို့ ဆက်သွယ်တိုင်ကြားနိုင်သည့် အသေးစိတ်အချက်အလက်များ၊ Consumer Call Center 1535 ကို ၂၀၂၁ခုနှစ် ဇွန်လမှ စ၍ ၂၀၂၄ ဇူလိုင်လအထိ ဆက်သွယ်မေးမြန်းတိုင်ကြားမှု (၃၃၃)မှုရှိပြီး (၃၃၀) ဖြေရှင်းဆောင်ရွက်ပေးထား ပြီးဖြစ် ကြောင်း စားသုံးသူမှ စားသုံးသူအခွင့်အရေး အကြောင်းသိရှိလိုသော်လည်းကောင်း၊ စီးပွားရေးလုပ်ငန်းရှင်မှ ကုန်အညွှန်းအမှတ်အသားဖော်ပြရာတွင်လည်းကောင်း၊ စားသုံးသူကာကွယ်ရေးလုပ်ငန်း စဉ်ကိုသိရှိလိုသော်လည်းကောင်း၊ စားသုံးသူအခွင့်အရေးထိခိုက်နစ်နာပါကလည်း ဆက်သွယ်တိုင်ကြားလို လွယ်ကူသော Telenor, Ooredoo, Mytel User ဖြစ်ပါက Consumer Call Center 1535 သို့လည်းကောင်း၊ MPT User ဖြစ်ပါက ၀၉၇၆၅၄၃ ၁၅၃၅ သို့လည်းကောင်း ဆက်သွယ်ပြီး သိရှိလိုသည်များ စုံစမ်းနိုင်ပါကြောင်း စားသုံးသူရော၊ လုပ်ငန်းရှင်အများပြည်သူ သိရှိနိုင်ရန် အသိပညာပေး ဆွေးနွေးခဲ့ကြောင်း သိရသည်။
DOCA(ဧရာဝတီ)