Google သည် ထိုင်းနိုင်ငံတွင် ဒေတာစင်တာအသစ်အပါအဝင် ဒစ်ဂျစ်တယ်အခြေခံအဆောက်အအုံတည်ဆောက်ရန် ဒေါ်လာ ၁ဘီလီယံရင်းနှီးမြှုပ်နှံရန် စီစဉ်နေကြောင်း၊ ထိုရင်းနှီးမြှုပ်နှံမှုသည် ထိုင်းနိုင်ငံအတွင်း အလုပ်အကိုင်ပေါင်း ၁၄၀၀၀ကိုထောက်ပံ့ပေးနိုင်မည်ဖြစ်ကြောင်း အမေရိကန်နည်းပညာကုမ္ပဏီကြီးမှ ထုတ်ပြန်ကြေညာခဲ့သည်။ အဆိုပါလုပ်ဆောင်ချက်သည် အရှေ့တောင်အာရှရှိ Cloud Computing လိုအပ်ချက်ကိုဖြ့ဆည်းပေးနိုင်ရန် ရည်ရွယ်ထားကြောင်း ကုမ္ပဏီမှ စက်တင်ဘာ ၃၀ရက်နေ့တွင် ထုတ်ပြန်ခဲ့သည်။ Cloud နှင့် ဉာဏ်ရည်တု အခြေခံအဆောက်အအုံကိုမြှင့်တင်ရန်အတွက် ထိုင်းနိုင်ငံ၏ ပထမဆုံးသော ဒေတာစင်တာဒေသရပ်ဝန်းကိုဖန်တီးမည်ဟု Microsoft မှ မေလတွင် ကြောညာပြီးနောက် Google ၏ ရင်းနှီးမြှုပ်နှံမှုထွက်ပေါ်လာခဲ့ခြင်းဖြစ်သည်။ ၎င်းရင်းနှီးမြှုပ်နှံမှုများသည် ထိုင်းနိုင်ငံစီးပွားရေးလုပ်ငန်းများနှင့် ဆန်းသစ်တီထွင်သူများ စသောအသိုင်းအဝိုင်းများအား Cloud နှင့် AI နည်းပညာများကို ကောင်းမွန်စွာအသုံးချနိုင်ရန်အတွက် ခွန်အားဖြစ်စေမည်ဖြစ်ကြောင်း Google နှင့် ၎င်း၏မိခင်ကုမ္ပဏီ Alphabet ၏ ဥက္ကဋ္ဌလည်းဖြစ်သော ရင်းနှီးမြှုပ်နှံမှုအရာရှိချုပ်လည်းဖြစ်သော Ruth Porat မှ ပြောကြားခဲ့သည်။ ဒေတာစင်တာသည် ဘန်ကောက်မြို့ အရှေ့တောင်ဘက်ရှိ အဓိကစက်မှုနယ်မြေဖြစ်သည့် Chonburi တွင် တည်ရှိမည်ဖြစ်ပြီး Cloud ဒေတာသည် မြို့တော်အတွင်း၌သာ တည်ရှိမည်ဖြစ်သည်။ ထိုင်းနိုင်ငံတွင် Google ၏ တိုးချဲ့မှုများအနေဖြင့် ၂၀၂၉ခုနှစ်တွင်နိုင်ငံတော်၏ GDP တွင် ဒေါ်လာ ၄ဘီလီယံထည့်ဝင်မည်ဖြစ်ပြီး ၂၀၂၅ခုနှစ်နှင့် ၂၀၂၉ခုနှစ်အကြားတွင် အလုပ်အကိုင်ပေါင်း ၁၄၀၀၀ကိုပံ့ပိုးပေးမည်ဖြစ်ကြောင်း အတိုင်ပင်ခံကုမ္ပဏီ Deloitte ၏ အစီရင်ခံစာကိုကိုးကား၍ ကုမ္ပဏီမှ ပြောကြားခဲ့သည်။ Serettha Thavisin သည် နယူးယောက်သို့ သွားရောက်လည်ပတ်စဉ် Google၊ Microsoft နှင့် Tesla တို့မှ ငွေကြေးရှာဖွေးရင်း အမေရိကန်နည်းပညာကုမ္ပဏီကြီးများမှ ရင်းနှီးမြှုပ်နှံမှုအတွက် အဓိကတွန်းအားပေးခဲ့ပြီးသည့်နောက် တစ်နှစ်အကြာတွင်ယင်းကြေညာချက်ထွက်ပေါ်လာခဲ့ခြင်းဖြစ်သည်။
Source: news.abs-cbn.com
DOCA(ရန်ကုန်)