ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ခရိုင်ဦးစီးမှူးရုံးမှ စားသုံး/ထုတ်လုံဌာနခွဲတာဝန်ခံနှင့် တောင်ငူမြို့နယ်တာဝန်ခံတို့နှင့်အတူ ဧပြီလ ၄ ရက်နေ့ နံနက်ပိုင်းက မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှ တောင်ငူခရိုင်အတွင်းရှိ စားသုံးသူ ပြည်သူများသို့ သက်သာသောနှုန်းထားဖြင့် စာအုန်းဆီရောင်းချနေမှုများကို ကြည့်ရှုစစ်ဆေးခဲ့ပါသည်။
ခရိုင်ဦးစီးမှူးက ရောင်းချနေသော စားအုန်းဆီများ၏ အလေးချိန်နှင့်ဈေးနှုန်းမှန်ကန်ရေးကို ကြည့်ရှုစစ်ဆေးခဲ့ပြီး စားသုံးဆီဈေးနှုန်းတည်ငြိမ်ရေးအတွက် ရောင်းချပေးခြင်းဖြစ်ပါသဖြင့် သတ်မှတ်စည်းကမ်းများနှင့်အညီရောင်းချရန်၊ စားသုံးသူပြည်သူများ စိတ်ကျေနပ်မှုရှိစေရေးအတွက် ဆောင်ရွက်ပေးရန် မှာကြားခဲ့ပါသည်။
တောင်ငူခရိုင်အတွင်း ဧပြီလပထမအပတ်တွင် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှ စားအုန်းဆီ ၃၈၅၀ ပိဿာကို တစ်ပိဿာလျှင် ၅၉၀၀ ကျပ်နှုန်းဖြင့် ရောင်းချပေးကြောင်း သိရှိရပါသည်။
Bago(ပဲခူး)