ရုရှားနိုင်ငံသည် ပြီးခဲ့သည့်ဘဏ္ဍာနှစ်အတွင်း ဘင်္ဂလားဒေ့ရှ်နိုင်ငံသို့ ဂျုံတန်ချိန် ၃.၈ သန်း စံချိန်တင်တင်ပို့ခဲ့ကြောင်း Dhaka ရှိ ရုရှားသံအမတ်ကြီး Alexander Mantytskiy ၏ ပြောကြားချက်အရသိရသည်။ ထုတ်ပြန်ချက်တွင် ဘင်္ဂလားဒေ့ရှ်နိုင်ငံသို့ စံချိန်တင်တင်ပို့မှုမှာ ကမ္ဘာလုံးဆိုင်ရာနှင့် ဒေသတွင်းအရည်အသွေးစံနှုန်းများနှင့်ကိုက်ညီသည့် ရုရှားဆန်စပါးထောက်ပံ့မှုသည် တစ်နှစ်ထက်တစ်နှစ် ၁.၈ ဆတိုးမြင့်လာခဲ့ကြောင်း ၎င်းကပြောကြားခဲ့သည်။ ရုရှားသတင်းအေဂျင်စီ Interfax ကိုကိုးကား၍ Mantytskiy က ဘင်္ဂလားဒေ့ရှ်နိုင်ငံသို့ အစဉ်အလာအရ ရုရှားနိုင်ငံမှ ပဲစေ့ခြောက်နှင့် မုန့်ညှင်းစေ့များအပြင် ယခုနှစ်တွင်လည်း နွားနို့နှင့် ပဲအမျိုးမျိုးကို ထောက်ပံ့ပေးခဲ့ကြောင်းသိရသည်။ အီဂျစ်၊ တူရကီ၊ အီရန်နှင့် ဘင်္ဂလားဒေ့ရှ်နိုင်ငံတို့အပါအဝင် အဓိကတင်ပို့မှုလမ်းကြောင်းတို့နှင့်အတူ Global South သို့ ပို့ကုန်ဝေစုမှာလည်းတိုးလာကြောင်း ရုရှားသံအမတ်ကြီးကဆိုသည်။ ရုရှားသတ္တုဓာတ်မြေဩဇာများသည် ကမ္ဘာ့စားနပ်ရိက္ခာဖူလုံရေးအတွက် မရှိမဖြစ်လိုအပ်နေသေးကြောင်း၊ ရုရှားသည် ကမ္ဘာ့သတ္တုဓာတ်မြေဩဇာဈေးကွက်တွင် ပဥ္စမမြောက်ရှယ်ယာကိုပိုင်ဆိုင်ထားပြီး ပြည်ပနိုင်ငံများတွင် စိုက်ပျိုးထုတ်လုပ်မှုပိုမိုအားကောင်းစေရန် အထောက်အကူဖြစ်စေကြောင်း Martytskiy က ပြောကြားခဲ့သည်။
Source : tbsnews
DOCA(ရန်ကုန်)