ဘင်္ဂလားဒေ့ရှ်နိုင်ငံ၊ ဘဏ္ဍာရေးဝန်ကြီးဌာန၊ အမျိုးသားအခွန်ကြီးကြပ်မှုအဖွဲ့ (National Board of Revenue-NBR) သည် အရေးကြီးသော ကုန်စည်များ၏ ဈေးနှုန်းများကို သက်သက်မှုရှိအောင် ထိန်းသိမ်းနိုင်ရေးအတွက် ပဲပုပ်ဆီနှင့် စားအုန်းဆီတင်သွင်းခြင်း၊ ပြုပြင်ထုတ်လုပ်ခြင်းနှင့် ရောင်းဝယ်ဖောက်ကားခြင်းအပေါ် ကောက်ခံသည့် တန်ဖိုးမြှင့်ထုတ်ကုန်အခွန် (Value-added tax- VAT) ကို ၁၇-၁၀-၂၀၂၄ ရက်နေ့တွင် လျှော့ချသတ်မှတ်ခဲ့ကြောင်း The Daily Star သတင်းဌာန၏ ဖော်ပြချက်အရ သိရပါသည်။
NBR အာဏာပိုင်အဖွဲ့က ထုတ်ပြန်သည့် အမိန့်ကြော်ငြာစာတွင် ပဲပုပ်ဆီနှင့် စားအုန်းဆီ တင်သွင်းမှုအပေါ် လက်ရှိကောက်ခံနေသည့် သွင်းကုန်အခွန် ၁၅ ရာခိုင်နှုန်းမှ ၁၀ ရာခိုင်နှုန်းသို့ လျှော့ချကောက်ခံမည်ဖြစ်ကြောင်း ဖော်ပြထားပါသည်။ ယင်းသို့အခွန်လျှော့ချရာတွင် တင်သွင်းမှုများပြားသည့် စားသုံးဆီများကို ထုတ်လုပ်ခြင်းနှင့် ရောင်းဝယ်ဖောက်ကားခြင်းအတွက် စည်းကြပ်လျက်ရှိသည့် တန်ဖိုးမြှင့်ထုတ်ကုန်အခွန်ကိုလည်း ကင်းလွတ်ခွင့်ပေးခဲ့ပြီး ၂၀၂၄ ခုနှစ် ဒီဇင်ဘာ ၁၅ ရက်အထိ အကျိုးသက်ရောက်မှုရှိမည်ဖြစ်ကြောင်း NBR မှ ပြောကြားခဲ့သည်။
ဘင်္ဂလားဒေ့ရှ် ကုန်သွယ်မှုနှင့်အခွန်ကော်မရှင်က စားသုံးဆီဈေးနှုန်းများနှင့် ငွေကြေးဖောင်းပွမှုအပေါ် သက်ရောက်စေသည့် သွယ်ဝိုက်ကောက်ခံသည့်အခွန်အခများသည် 2023 ခုနှစ် မတ်လ ကတည်းက ၉ ရာခိုင်နှုန်းဝန်းကျင်ရှိနေသည့်အတွက် ဖြတ်တောက်ရန် အကြံပြုပြီးနောက် ၂ ရက်အကြာတွင် ယခုတန်ဖိုးမြှင့်ထုတ်ကုန်အခွန်လျှော့ချမှုအစီအစဉ် ထွက်ပေါ်လာခြင်း ဖြစ်ကြောင်း သတင်းရရှိပါသည်။
Source: The Daily Star, 17 Oct 2024(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)