ဗီယက်နမ်တွင် အွန်လိုင်းဈေးဝယ်ရောင်းချမှုသည် ၂၀၂၄ခုနှစ်၏ သုံးလပတ်အတွင်း ၃.၃ ဘီလီယံအထိရောက်ရှိ

ဗီယက်နမ်လူမျိုးများသည် ၂၀၂၄ခုနှစ် တတိယသုံးလပတ်တွင် အွန်းလိုင်းဈေးဝယ်၌ VND ၈၄.၇ ထရီလီယံ (အမေရိကန်ဒေါ်လာ ၃.၃ ဘီလီယံ) သုံးစွဲခဲ့ပြီး ၁၈.၂% မြင့်တက်ခဲ့ကြောင်း e-commerce ဈေးကွက်သုတေသနပလပ်ဖောင်း Metric ဖော်ပြချက်အရသိရသည်။ Shopee ၊ Tiktok Shop ၊ Lazada ၊ Tiki နှင့် Sendo အပါအဝင် ဗီယက်နမ်ရှိ အဓိက Online ဈေးဝယ်ပလက်ဖောင်းငါးခုတွင် အလှကုန်ပစ္စည်း အမျိုးသားဖိနပ်၊ ကုန်မျိုးစုံနှင့် ဖက်ရှင်ပစ္စည်းများသည် အရောင်းရဆုံး အမျိုးအစားများထဲတွင်ပါဝင်သည်။ VND ၂၀၀၀၀၀ (၈ဒေါ်လာ) အောက်ဈေးဖြင့် ရောင်းချသောပစ္စည်းများသည် အွန်လိုင်းဈေးဝယ်ခြင်းမှရရှိသော ဝင်ငွေ၏ထက်ဝက်ကျော်ရှိပြီး တစ်နှစ်ထက်တစ်နှစ် ၉% တိုးလာခြင်းဖြစ်သည်။ VND ၁၀၀၀၀၀ (၄ဒေါ်လာ) အောက်ရှိ ပစ္စည်းများသည်လည်း တစ်နှစ်ထက်တစ်နှစ် ၅% တိုးလာခဲ့သည်။ Tiktok Shop နှင့် Shopee တို့သည် ယခုနှစ် ဒုတိယလပတ်နှင့် ယမန်နှစ်သုံးလပတ်ကာလတို့နှင့်နှိုင်းယှဉ်ပါက ယခုနှစ်သုံးလပတ်တွင် ဝင်ငွေသိသိသာသာတိုးလာခဲ့သည်။ ဇူလိုင်လမှ စက်တင်ဘာလအထိ နောက်ထပ်ထင်ရှားသောလမ်းကြောင်းမှာ တရားဝင် စတိုးဆိုင်များမှ အွန်လိုင်းဝယ်ယူမှုများ ခုန်တက်လာခြင်းဖြစ်သည်။ အဆိုပါ စတိုးဆိုင်များသည် အွန်လိုင်းဆိုင်များအားလုံး၏ ၅% သာဖွဲ့စည်းထားသော်လည်း ၎င်းတို့သည် သုံးလပတ်အတွင်း အွန်လိုင်းဈေးဝယ်လည်ပတ်မှုစုစုပေါင်း သုံးပုံတစ်ပုံနီးပါးရှိပြီး တစ်နှစ်နှင့် တစ်နှစ် တိုးတက်မှုနှုန်း ၅၃.၁၁% ရှိသည်။ အလှကုန်ပစ္စည်းရောင်းချမှုသည် အွန်လိုင်းဝင်ငွေနှင့် အရောင်းပမာဏတွင် အကြီးမားဆုံးဖြစ်ပြီး VND ၁၅.၅ ထရီလီယံ (ဒေါ်လာ ၆၀၇.၈ သန်း) ရှိပြီး တစ်နှစ်ထက်တစ်နှစ် ၂၆.၆% တိုးလာပြီး စုစုပေါင်းဝင်ငွေ၏ ၁၈% ဖြစ်သည်။ အမျိုးသားဖိနပ်များသည်လည်း ဒုတိယသုံးလပတ်ကထက် ၇၃.၉% အထိတိုးတက်ခဲ့သည်။ ကုန်ခြောက်ပစ္စည်းများသည် အွန်လိုင်းရောင်းချမှုတွင် တတိယမြောက်ဝင်ငွေအများဆုံးရရှိသူဖြစ်လာခဲ့ပြီး ၅၁.၉% တိုးလာခဲ့သည်။ Nestle အမှတ်တံဆိပ် ပိုးသတ်ထားသောနို့နှင့် ချွန်ထွက်သောသွားများပါသည့် ယုန်နှင့်တူသော ဇာတ်ကောင် Labubu တို့သည် တတိယသုံးလပတ်တွင် ခေတ်စားခဲ့ပြီး ၎င်းတို့၏ရောင်းအားမှာလည်း သိသိသာသာမြင့်တက်ခဲ့သည်။ အွန်လိုင်းမှ နို့ရောင်းရငွေသည် ဇူလိုင်လမှစပြီး တတိယသုံးလပတ်ကုန်အထိ VND ၆.၁၄ ဘီလီယံ (၂၄၁၃၆၀ ဒေါ်လာ) သို့ရောက်ရှိခဲ့ပြီး အခုရေ ၁၂၃၅၀၀ ရောင်းချခဲ့ရပြီး ဒုတိယသုံးလပတ်ထက် ဝင်ငွေ ၆၈၇% တိုးလာခဲ့သည်။ ဟောင်ကောင်အနုပညာရှင် Kasing Lung မှ ဒီဇိုင်းထုတ်ထားသည့် Labubu အရုပ်သည် ဝင်ငွေ VND ၆.၉ ဘီလီယံ (၂၇၁၀၀၀ဒေါ်လာ) ရရှိခဲ့ပြီး ၇၄၁% တိုးတက်ခဲ့သည်။ ဗီယက်နမ်မှ ဈေးဝယ်ယူသူများသည် ဇန်နဝါရီလမှ စက်တင်ဘာလအတွင်း အွန်လိုင်းဈေးဝယ်မှုတွင် ဒေါ်လာ ၉.၅ ဘီလီယံသုံးစွဲခဲ့ပြီး တစ်နှစ်ထက်တစ်နှစ် ၃၇.၇% မြင့်တက်လာခဲ့သည်။
Source : tuotrenews
DOCA(ရန်ကုန်)