အင်ဒိုနီးရှားနိုင်ငံရေကြောင်းရေးရာနှင့် ငါးလုပ်ငန်းဝန်ကြီးဌာနက နိုင်ငံသည် ၂၀၁၈-၂၀၂၃ ကာလအတွင်း ငါးလုပ်ငန်းထုတ်ကုန်တင်ပို့မှုမှ ပိုငွေရခဲ့ကြောင်းနှင့် တင်သွင်းမှုမှာ အမေရိကန်ဒေါ်လာ ၀.၆၅ ဘီလီယံမှ ၀.၇ ဘီလီယံသာရှိသောကြောင့် ယခုလိုပိုငွေရခဲ့ခြင်းဖြစ်ကြောင်း ၂၄-၁၀-၂၀၂၄ ရက်နေ့ကပြောကြားခဲ့ပါသည်။ ငါးလုပ်ငန်းထုတ်ကုန်နှင့်ပတ်သက်၍ သွင်းကုန်များမှာ နိုင်ငံတွင် မရရှိသော်လည်း ဟိုတယ်များ၊ စားသောက်ဆိုင်များနှင့် ကော်ဖီဆိုင်များက လိုအပ်သော ငါးအရင်းမြစ်များဖြစ်ကြောင်းသိရပါသည်။ အင်ဒိုနီးရှား၏ ငါးလုပ်ငန်းထုတ်ကုန်များတင်ပို့မှုသည် ၂၀၁၈ခုနှစ်တွင် အမေရိကန်ဒေါ်လာ ၄.၈၆ ဘီလီယံရှိရာမှ ၂၀၂၃ခုနှစ်တွင် အမေရိကန်ဒေါ်လာ ၅.၆၃ ဘီလီယံရောက်ရှိခဲ့ပြီး အမြင့်မားဆုံးတင်ပို့မှုမှာ ၂၀၂၂ခုနှစ်က အမေရိကန်ဒေါ်လာ ၆.၂၄ ဘီလီယံ ဖြစ်ခဲ့ကြောင်းသိရပါသည်။ အကြီးမားဆုံးတင်ပို့သည့် ကုန်ပစ္စည်းများမှာ ပုစွန် (အမေရိကန်ဒေါ်လာ ၁.၇၃ ဘီလီယံ)၊ Tuna ၊ Mackeral tuna နှင့် Skipjack tuna (အမေရိကန်ဒေါ်လာ ၉၂၇.၁ သန်း) နှင့် ကင်းမွန်များနှင့် ရေဘဝဲ (အမေရိကန်ဒေါ်လာ ၇၆၂.၅ သန်း) တို့ဖြစ်ကြောင်းသိရပါသည်။ အဓိကသွင်းကုန်များမှာ Mackerel (အမေရိကန်ဒေါ်လာ ၁၃၆.၉ သန်း)၊ ဆယ်လ်မွန် (အမေရိကန် ဒေါ်လာ ၇၆.၄၉ သန်း)နှင့် ဂဏန်း (အမေရိကန်ဒေါ်လာ ၇၂.၀၈ သန်း) တို့ဖြစ်ကြောင်းသိရပါသည်။ ကမ္ဘာ့ငါးလုပ်ငန်းဈေးကွက်တန်ဖိုးသည် ၂၀၂၃ခုနှစ်တွင် အမေရိကန်ဒေါ်လာ ၁၈၄.၅ ဘီလီယံထိရောက်ရှိခဲ့ပြီး ကမ္ဘာ့ထိပ်တန်းငါးလုပ်ငန်းဈေးကွက် ၅ခုမှာ ဥရောပသမဂ္ဂ၊ အမေရိကန်၊ တရုတ်၊ ဂျပန်နှင့် အရှေ့တောင်အာရှတို့ဖြစ်ကြောင်းသိရပါသည်။ ဥရောပသမဂ္ဂ (EU) သည် ငါးလုပ်ငန်းကဏ္ဍတွင် အလွန်အလားအလာကောင်းသော ဈေးကွက်တစ်ခုဖြစ်ပြီး အင်ဒိုနီးရှားသည် EU တွင် အကောင်းဆုံးတင်ပို့ရာ ဈေးကွက်တည်ထောင်ရန် လုပ်ဆောင်သင့်ကြောင်း အင်ဒိုနီးရှားနိုင်ငံရေကြောင်းနှင့် ငါးလုပ်ငန်းထုတ်ကုန်အရည်အသွေးထိန်းချုပ်ရေးနှင့် ကြီးကြပ်မှုအေဂျင်စီ၏ ခေါင်းဆောင် Ishartini ကပြောကြားခဲ့ပါသည်။
Source : Antara News
DOCA(ရန်ကုန်)