နိုင်ငံခြားသုံးငွေ လျော့ကျစေရေးနှင့် စားသုံးဆီပြည်တွင်းစားသုံးဖူလုံစေရေးအတွက် ကရင်ပြည်နယ်တွင် ဆီထွက်သီးနှံနေကြာ တိုးချဲ့စိုက်ပျိုးထုတ်လုပ်နိုင်ရေးလျာထားချက်များ ချမှတ်ဆောင်ရွက်လျက်ရှိကြောင်း သိရသည်။
စိုက်ပျိုးရေးဦးစီးဌာန၏ ယခင် ၆ နှစ်တာ ကာလအတွင်း စာရင်းများအရ ကရင်ပြည်နယ်တွင် နေကြာ သီးနှံစိုက်ပျိုးမှုမှာ ၅၈၁ ဧက ရှိခဲ့ရာမှ ယခုအခါ ၁၆၄ ဧကထိ လျော့ကျလာခဲ့သောကြောင့် ပြည်နယ် အတွင်းရှိ စိုက်ပျိုးနိုင်သော မြေလွတ်/မြေရိုင်း နှင့် ရေမနိုင်သော နေရာများသို့ ရေရရှိနိုင်ရေး စီမံဆောင်ရွက်ကာ သီးထပ်/ သီးညှပ် / တစ်အုပ်တစ်မ စိုက်ခင်းစနစ်များဖြင့်အနည်းဆုံး ဧက ၁၀၀၀ ထိ တိုးချဲ့စိုက်ပျိုးသွားမည် ဖြစ်ကြောင်း သိရသည်။
မြန်မာနိုင်ငံ တစ်ဝန်းတွင် ဆီထွက်သီးနှံ နေကြာကို ၂၀၂၀ -၂၀၂၁ ဘဏ္ဍာနှစ်တွင် ဧက ၅ သောင်းကျေုာ် စိုက်ပျိုးခဲ့ရာမှ နိုင်ငံခြားသုံးငွေ လျော့ကျစေရေးနှင့် စားသုံးဆီ ပြည်တွင်းစားသုံးမှုဖူလုံစေရေးအတွက် ၂၀၂၂ -၂၀၂၃ ဘဏ္ဍာနှစ်တွင် ဧက ၁.၅ သန်းထိ တိုးချဲ့စိုက်ပျိုးနိုင်ရေးကို တိုင်းဒေသကြီး/ ပြည်နယ်များအလိုက် လျာထားချက်များ ချမှတ်ဆောင်ရွက်လျက်ရှိကြောင်း သိရသည်။
DOCA (ကရင်)