စိုက်ပျိုးရေးနှင့် စားနပ်ရိက္ခာဖူလုံရေးဝန်ကြီးဌာန (KPKM) သည် နိုင်ငံအတွင်းသို့ တင်သွင်းလာသော Shine Muscat စပျစ်သီးများဝင်ရောက်လာမှု အစီရင်ခံစာများနှင့်စပ်လျဉ်းသည့် နောက်ထပ် စစ်ဆေးမှုများပြုလုပ်မည်ဖြစ်သည်။ မလေးရှားနိုင်ငံ Quarantine and Inspection Services Department နှင့် စိုက်ပျိုးရေးဌာန Biosecurity Division ကဲ့သို့သော သက်ဆိုင်ရာ အေဂျင်စီများမှ သုတေသနနှင့်စစ်ဆေးမှုများကို ဆောင်ရွက်သွားမည်ဖြစ်ကြောင်း KPKM ၏ ဝန်ကြီး Datuk Seri Moharmad Subu ကပြောကြားခဲ့သည်။ ယခုအချိန်ထိ KPKM သည် ဓာတုကြွင်းကျန်များ လွန်ကဲစွာပါဝင်နေသော စပျစ်သီးများနှင့်ပတ်သက်၍ တိုင်ကြားမှုတစ်စုံတစ်ရာမရှိသောကြောင်း၊ တိုင်ကြားမှုများ သို့မဟုတ် အဖြစ်ပျက်များဖြစ်ပေါ်လာပါက ချက်ချင်းနောက်ဆက်တွဲ အရေးယူသွားမည်ဖြစ်ကြောင်း Maharmad Subu က ဆက်လက်ပြောကြားခဲ့သည်။ အစောပိုင်းတွင် ထိုင်းပိုးသတ်ဆေးသတိပေးရေး ကွန်ရက် (Thai-PAN) မှ ကောက်ယူထားသော နမူနာများသည် အမြင့်ဆုံးခွင့်ပြုထားသည့် ပမာဏထက်ကျော်လွန်၍ အန္တရာယ်ရှိသော ဓာတုအကြွင်းအကျန်များပါဝင်နေကြောင်းတွေ့ရှိပြီးနောက် Shine Muscat စပျစ်သီးနှင့်ပတ်သက်၍ သတိပေးချက်ထုတ်ပြန်ခဲ့သည်။ Thai-PAN နှင့် Thai Consumer Council တို့သည် တင်သွင်းသော Shine Muscat စပျစ်သီးများအတွက် မူရင်းနိုင်ငံကို တံဆိပ်တပ်ရန်နှင့် တင်သွင်းသူများနှင့် ဖြန့်ချိသူများအပါအဝင် ချက်ချင်းအရေးယူဆောင်ရွက်ရန် ထိုင်းပြည်သူ့ကျန်းမာရေးဝန်ကြီးဌာနကို တိုက်တွန်းထားကြောင်းသိရသည်။
Source : bernama
DOCA(ရန်ကုန်)