ကယားပြည်နယ် ဒေသထွက် ဧည့်မထ(မိုး) စပါးဈေးနှုန်းမှာ တင်း (၁၀၀)လျှင် ကျပ် (၇၅၀၀၀၀)ဖြင့် ဧပြီလ တတိယပတ်တွင် အရောင်းအဝယ်ဖြစ်လျှက်ရှိပြီး ၊ ဧပြီလ ဒုတိယပတ်တွင် ဧည့်မထ (မိုး)တင်း (၁၀၀)လျှင်ကျပ် (၇၂၉၀၀၀)ဖြစ်ရာ ယခင်ပတ်နှင့် ယခုပတ်နှိုင်းယှဉ်လျှင် စပါး တင်း(၁၀၀) (၂၁၀၀၀) ကျပ်ခန့်မြင့်တက်လာကြောင်း၊ ဧပြီလ ဒုတိယပတ် ဒေသထွက် (ဧည့်မထ) ဆန် တစ်အိတ် ဈေးနှုန်း မှာ(၃၇၀၀၀)ကျပ်၊ ဧပြီလ တတိယပတ် (ဧည့်မထ) ဆန်တအိတ်မှာ (၄၀၀၀၀)ကျပ် ဈေးနှုန်းပေါက်လျက်ရှိရာ ယခင်ပတ်နှင့်ယခုပတ် နှိုင်းယှဉ်လျှင်ဆန်တအိတ် (၃၀၀၀) ကျပ် ဆန် ဈေးနှုန်းမှာမြင့် တက်လာကြောင်း တွေ့ရှိရပြီး စပါးဈေး/ဆန် ဈေးနှုန်းမြင့်တက်ရခြင်းမှာ အခြားမြို့များမှ ဆန်စီးဝင်မှုလျော့နည်းလာ၍ ဒေသဆန်များစားသုံးမှုများလာသောကြောင့် ဈေးနှုန်း အနည်းငယ် မြင့်တက်လာခြင်းဖြစ်သည်ဟု ဆန်စက်လုပ်ငန်းရှင်တစ်ဦးထံမှ သိရှိရပါသည်။
DOCA(ကယား)