စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံး၊ ခရိုင်ဦးစီးမှူးနှင့် တာဝန်ရှိသူဝန်ထမ်းများသည် (၇.၁၁.၂၀၂၄)ရက်နေ့ နံနက် (၀၈:၃၀) နာရီအချိန်တွင် တောင်ငူမြို့ ဗိုလ်မှူးဖိုးကွန်းလမ်းပေါ်ရှိ အမှတ်(၂)အခြေခံပညာအထက်တန်းကျောင်းတွင် စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ပါသည်။
အဆိုပါ အသိပညာပေးဟောပြောဆွေးနွေးပွဲတွင် ပထမဦးစွာ ကျောင်းအုပ်ဆရာမကြီးမှ အဖွင့် အမှာစကားပြောကြားပြီး ပဲခူးမြို့နယ်တာဝန်ခံ ဦးမြင့်သူမှ စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးကာကွယ်ရေးဥပဒေပြဌာန်းချက်ပါ စားသုံးသူများ၏ အခွင့်အရေးနှင့်တာဝန်များကို အကျယ် တဝင့် ရှင်းလင်းပြောကြားခဲ့ပါသည်။ ဆက်လက်၍ ဌာနခွဲတာဝန်ခံ ဦးစောသန်းထိုက်ကျော်မှ အွန်လိုင်းမှတဆင့် ဝယ်ယူရောင်းချခြင်းနှင့် စပ်လျဉ်း၍ သိကောင်းစရာများ၊ အွန်လိုင်းမှ ဈေးဝယ်ယူခြင်း၏ အားသာ ချက်၊ အားနည်းချက်များ၊ အွန်လိုင်းမှ လိမ်လည်မှုများ၊ စားသုံးသူများအနေဖြင့် အွန်လိုင်းမှ ဈေးဝယ်ယူရာတွင် စိစစ်သင့်သည့် အချက်အလက်များအား ရှင်းလင်းပြောကြားပြီး အွန်လိုင်းရောင်းဝယ်မှု ပြုလုပ် မည်ဆိုပါက မှတ်ပုံတင်ခြင်းဆိုင်ရာ နည်းလမ်းများအား အကျယ်တဝင့် ရှင်းလင်းပြောကြားခဲ့ပါသည်။
အဆိုပါဟောပြောဆွေးနွေးပွဲသို့ ကျောင်းသား/ကျောင်းသူ(၂၅၀)ဦးနှင့် ဆရာ/ဆရာမ (၆၀)ဦး တက်ရောက်ကာ ဟောပြောဆွေးနွေးပွဲကို နံနက် (၁၁:၃၅) နာရီအချိန်တွင် ပြီးမြောက်ကြောင်း သိရှိရသည်။
DOCA(ပဲခူး)